نیسان 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك بارزانی: دیموكراسی ل عێراقێ ل ‌سه‌ر هه‌ردو ئاستێن ناڤخۆ و ژ ده‌رڤه‌ ل ژێر گه‌فان دایه‌

سه‌رۆك بارزانی: دیموكراسی ل عێراقێ ل ‌سه‌ر هه‌ردو ئاستێن ناڤخۆ و ژ ده‌رڤه‌ ل ژێر گه‌فان دایه‌

K24 – هەولێر:

سه‌رۆك بارزانی رایده‌گه‌یه‌نێت، دیموكراسی له‌ عێراق له‌سه‌ر هه‌ردوو ئاستی ناوخۆ و ده‌ره‌وه‌دا هه‌ڕه‌شه‌ی له‌سه‌ره‌. ده‌شڵێت، سه‌رۆكوه‌زیرانی ئێستای عێراق رووبه‌ڕووی ئاسته‌نگی سه‌خت ده‌بێته‌وه‌.

سه‌رۆك بارزانی له‌ چاوپێكه‌وتنێكی تایبه‌تی رادیۆی “مۆنتی كارلۆ”ـی فه‌ره‌نسیدا كه‌ ئه‌مڕۆ (سێشه‌ممه‌ 27ـی شوباتی 2024) بڵاوبووه‌ته‌وه‌، رایگه‌یاندووه‌، دیموكراسی له‌ عێراق له‌سه‌ر هه‌ردوو ئاستی ناوخۆ و ده‌ره‌وه‌دا هه‌ڕه‌شه‌ی له‌سه‌ره‌، هه‌روه‌ها ئاماژه‌ی به‌وه‌ش كردووه‌، كه‌ ئه‌وان به‌رامبه‌ر به‌و هه‌ڕه‌شه‌یه‌ نیگه‌رانن.

سه‌رۆك بارزانی سه‌رنجی بۆ ئه‌وه‌ راكێشاوه‌، محه‌ممه‌د شیاع سوودانی، سه‌رۆكوه‌زیرانی عێراق رووبه‌ڕووی چه‌ندین ئاسته‌نگ بووه‌ته‌وه‌ له‌ جێبه‌جێكردنی خاڵه‌كانی رێككه‌وتنی سیاسی كه‌ ئیئتیلافی به‌ڕێوه‌بردنی ده‌وڵه‌تی له‌سه‌ر پێكهاتووه‌. سه‌رۆك بارزانی له‌و باره‌یه‌وه‌ چه‌ند لایه‌نێكی ناوخۆ و ده‌ره‌كی به‌ دروستكردنی ئاسته‌نگ له‌ به‌رده‌م كاری حكومه‌تی فیدڕاڵی تۆمه‌تبار ده‌كات.

سه‌رۆك بارزانی له‌ باره‌ی بارودۆخی ناوخۆی هه‌رێمی كوردستان جه‌خت ده‌كاته‌وه‌ هه‌وڵه‌كان به‌رده‌وامن له‌پێناو نه‌هێشتنی ناكۆكییه‌كان و دروستكردنی یه‌كڕیزی.

هه‌روه‌ها سه‌باره‌ت به‌ په‌یوه‌ندییه‌كانی نێوان هه‌رێمی كوردستان و ئێران به‌تایبه‌تی دوای هێرشه‌ مووشه‌كییه‌ بالیستییه‌كه‌ی سه‌ر هه‌ولێر، تۆمه‌ته‌كانی ئێرانی ره‌تكردووه‌ته‌وه‌ كه‌ به‌رده‌وام هه‌رێمی كوردستان به‌ په‌ناگه‌ و شوێنی داڵده‌دانی دوژمنانی تاران تۆمه‌تبار ده‌كات. سه‌رۆك بارزانی گوتوویه‌تی، هه‌ندێك لایه‌ن له‌ تاران له‌ وه‌ڵامدانه‌وه‌ی به‌هێزه‌كان شكستیان هێناوه‌ بۆیه‌ هه‌ولێر بۆ شاردنه‌وه‌ی شكسته‌كانیان به‌ئامانج ده‌گرن.

سه‌رۆك بارزانی له‌باره‌ی گفتوگۆ و دانوستانه‌كانی نێوان به‌غدا و واشنتن تایبه‌ت به‌ بوونی سوپای ئه‌مه‌ریكا له‌ عێراق ئاماژه‌ی به‌وه‌ كردووه‌، ترس هه‌یه‌ له‌ دووباره‌بوونه‌وه‌ی سیناریۆی 2011 كه‌ دوای ماوه‌یه‌كی كه‌م له‌ كشانه‌وه‌ی سوپای ئه‌مه‌ریكا یه‌ك له‌سه‌ر سێی خاكی عێراق له‌لایه‌ن رێكخراوی داعشه‌وه‌ داگیر كرا، كه‌ دواتر به‌ هاوكاری و پشتیوانی هێزه‌كانی هاوپه‌یمانان داعش تێكشكا. روونیشیكردووه‌ته‌وه‌، بڕیاره‌كانی ئه‌م دواییه‌ی دادگای فیدڕاڵی دژی هه‌رێمی كوردستانن، هاوكات دادگاكه‌ی به‌ پێشێلكردنی ده‌سه‌ڵاته‌ ده‌ستوورییه‌كانی تۆمه‌تبار كردووه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi