ته‌مموز 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حكوومەتا هەرێما كوردستانێ و دەزگەهێ خێرخوازیێ بارزانی، هاریكاریان پێشكێشێ عەفرین دكەن

حكوومەتا هەرێما كوردستانێ و دەزگەهێ خێرخوازیێ بارزانی، هاریكاریان پێشكێشێ عەفرین دكەن

باسنيوز:
دەزگەهێ خێرخوازیێ بارزانی، ب هاریكارییا ناڤەندا هەماهەنگییا قەیرانان ل حكوومەتا هەرێما كوردستانێ و ئاژانسا فیدڕاڵییا ئەلمانی، هاریكارییا لۆجستی پێشكێشی باژێرێ عەفرینێ دكەت.

رەواج حاجی ئەندامێ دەستەیا كارگێڕییا دەزگەهێ خێرخوازیا بارزانی و بەرپرسێ دۆسیەیا عەفرینێ راگەهاند: “دەزگەهێ خێرخوازیێ بارزانی ب ‌هاریكارییا ئاژانسا فیدڕاڵییا ئەڵمانی (THW) و ب هەماهەنگی دگەل ناڤەندا هەماهەنگییا قەیرانان ل حكومەتا هەرێما كوردستانێ (JCC)، رۆژا 23ێ1ێ2024 هاریكاریێن لۆجستی بۆ باژێرڤانیێن عەفرینێ دابین كرن.”

ئاماژە ب وێ ژی دا: “هاریكاری پێکهاتبوون ژ حەفارەك و پێتڤییان، هەروەسا كەلوپەلێن پێتڤیێن رۆژانە یێن فەرمانبەر و كرێكارێن خزمەتگوزاری بۆ خزمەتكرنا دەڤەرێ.”

رەواج حاجی دبێژیت: ” وان هاریكارییان گرینگییەكا مەزن هەیە بۆ خەلکێ باژێری و دووبارە ژیانا دەڤەرێ، ب تایبەتی پشتی بوومەلەرزا ساڵا بوری كۆ تووشی كارەساتەكا مەزن یا مرۆڤاتی بوون.”

بەرپرسێ رێكخراوا بارزانی تەکەز کر، ئەڤ هاریكاریێن کۆ پێشكێشغ باژێرێ عەفرین و ناحیە و گوندێن دەورووبەران دهێتە کرن، برێکا دەزگەهێ خێرخوازیێ بارزانی و هەڤبەشێن وێ لژ رێكخراوێن ناڤدەولەتیی و نافخۆیی دهێنە دابین کرن و بزاڤ دهێتە کرن کۆ زۆرترین كەس د ڤان هاریكاریاندا مفادار بن.

پشتی پیڤەلەرزا شوباتا 2023 و ڤەكرنا نڤیسینگەها دەزگەهێ خێرخوازیێ بارزانی ل عەفرینێ و برێکا ڤێ نڤیسینگەهێ بەردەوام هاریكاریێن جۆراوجۆر گەهاندینە خەلکێ دەڤەرێ، هاریكاری ژی پێکهاتنە ژ خوارن و ڤەخوارن و ساخلەمی و ڤەكرنا خولێن رۆشنبیری و پیشەیی.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi