وه‌زارتا ناڤخۆیا: هه‌ر بریكاره‌كێ سیمكارتان ب ره‌نگه‌كێ نه یاسایی بفرۆشیت دێ هێته سزادان
گاڤ
وه‌زاره‌تا ناڤخۆیا هه‌رێما كوردستانێ راگه‌هاند، ده‌ست ب تۆماركرنا بریكارێن فرۆتنا سیمكارتێن مۆبایل و ئه‌نته‌رنێتان هاتیه كرن ب مه‌ره‌ما كونترۆلكرنا سیمكارتێن نه یاسایی، هوشدارى ژى دا هه‌ر بریكاره‌كێ سیمكارتان ب ره‌نگه‌كێ نه یاسایی بفرۆشیت دێ هێته سزادان.
ئه‌ڤرۆ هێمن میرانی رێڤه‌به‌رێ گشتی یێ دیوانا وەزارەتا ناڤخۆیی یا هه‌رێمێ راگه‌هاند، هەر بریکاره‌كێ ژ لایێ كۆمپانیه‌كێ ڤه سیمكارت پێ بهێنه دان، ل گۆره‌ى هژمارا نهێنى دێ به‌رپرس همبه‌ر مامه‌له‌كرنێ ب وان سیمكارتان ل گۆره‌ى یاسایێ.
ئه‌و ئێك ژى دیاركر، ل گۆره‌ى بڕیارا وه‌زاره‌تێ، چ سیمكارت ب رێكا رێڤه‌به‌ریا ئاسایشا گومركان ناهێنه دناڤ هه‌رێمێ دا تاكو ژلایێ وه‌زاره‌تا ناڤخۆ ڤه مۆله‌ت نه‌هێته دان.
گۆت ژى ل گۆره‌ى رێنمایێن وه‌زاره‌تێا ناڤخۆ، هه‌ر بڕیكاره‌كێ ب رێكێن نه یاسایی سیمكارتان بێخیته د بازاڕى دا دێ روى ب روى سزایێن یاسایی یێن دژوار بیت.
تُتاح هذه الصورة أيضا في: کوردی
