به‌یانه‌ك ژ باره‌گایێ بارزانى
گاڤ
باره‌گایێ بارزانى به‌یانه‌ك ل دۆر سه‌ره‌دانا سه‌رۆك بارزانى بۆ قه‌زایا ئاكرێ و دیدارێن وى ل گه‌ل ته‌خ و چینێن ئاكرێ به‌لاڤكر.
باره‌گایێ بارزانى به‌لاڤكریه؛ سه‌رۆك بارزانى ئه‌ڤرۆ ئه‌ینیێ د سه‌ره‌دانه‌كێ دا بۆ قه‌زایا ئاكرێ ل باره‌گایێ لقێ 9 یێ پارتى دیمۆكراتى كوردستان ژ لایێ به‌رپرسێن حزبى و حكومى یێن ده‌ڤه‌رێ پێشوازى لێ هاته كرن.
د به‌یانا باره‌گاى دا هاتیه ژى “سه‌رۆك بارزانى هه‌ر ل قه‌زایا ئاكرێ د كۆمبوونه‌كا به‌رفره‌هـ دا ل گه‌ل ته‌خ و چینێن جودا جودا، كه‌سوكارێن سه‌ربلند یێن شه‌هیدان ل وى سنوورى، په‌ككه‌فتیێن سه‌نگه‌رى، تێكۆشه‌رێن وى سنوورى، مامۆستا، كه‌سایه‌تیێن ئایینى، كاسبكار، جۆتیار، گه‌نجان و ئافره‌تان كۆمبوو”.
ديار ژى كریه “سه‌رۆك بارزانى د گۆتاره‌كێ دا بۆ ئاماده‌بوویێن كۆمبوونێ به‌حسێ خزمه‌تكرنا ده‌ڤه‌رێ ب گشتى كر و ئاماژه دا وێ چه‌ندێ كو پێدڤیه خزمه‌ته‌كا پتر بۆ وه‌لاتیان ب بێ جوداهى بهێته كرن و دیار ژى كر كو حكومه‌تا هه‌رێمێ بۆ خزمه‌تكرنا هه‌مى ده‌ڤه‌رێن هه‌رێما كوردستانێ و دابینكرنا خزمه‌تگۆزاریێن پتر بۆ وه‌لاتیان كار دكه‌ت”.
زێده ژى كریه “ل دۆر په‌یوه‌ندیێن هه‌رێما كوردستانێ ل گه‌ل ئیراقێ، سه‌رۆك بارزانى ئاماژه ب وێ چه‌ندێ كر كو ئه‌م د دانوستاندنێن خۆ دا ل گه‌ل به‌غدا د به‌رده‌وامین و چاڤه‌رێى بجهئینانا رێككه‌فتنێ نه بۆ پاراستنا ماف و شایسته‌یێن دارایى یێن گه‌لێ كوردستانێ و قه‌واره‌یێ ده‌ستوورى د چارچووڤه‌یێ ده‌ستوورى و بنه‌مایێن ته‌وافوق، شه‌راكه‌ت و هه‌ڤسه‌نگیێ دا”.
ل دویماهیێ سه‌رۆك بارزانى ده‌رگه‌هێ دانوستاندنێ بۆ ئاماده‌بوویان ڤه‌كر و ب گرنگى ڤه گوهداریا داخوازى و پێشنیارێن خه‌لكێ ده‌ڤه‌رێ كر، ل گۆره‌ى به‌یانا باره‌گایێ بارزانى.
تُتاح هذه الصورة أيضا في: کوردی
