هه‌ر سترانه‌کا وی چیرۆکه‌کێ ڤه‌دگێرت
تۆرا لالش/نه‌وزاد عه‌جو
زێدان خه‌له‌ف، هونه‌رمه‌ندێ ناڤدارێ چێایێ شنگالێ یه، ل ساڵا 1997ێ ل گوندێ گوهبه‌لێ یێ شنگالێ چاڤێن خوه ل ژیانێ ڤه‌کرینه، هه‌تا پوڵا پێنجێ یا ئاماده‌یی خواندنا خوه ل گوندێ خوه خواندیه، لێ ژ ئه‌گه‌رێ سه‌ختێن ژیانێ ده‌ست ژ خواندنێ به‌ردده‌ت.
د دیداره‌كێ دا بۆ راگه‌هاندنا بنگه‌هێ لالش دا دیاركرن: من ل ساڵا 2009ێ ده‌ست ب گۆتنا سترانێن داوه‌تان ل شنگالێ كرییه، پشتی كۆمكووژیین 2014ێ من ده‌ست ژ سترانگۆتنێ به‌ردا و دگه‌ل مالباتا خۆ ئاواره‌یی ده‌ڤه‌رێن هه‌رێمێ بووم، پشتی سێ ساڵان ژ بێده‌نگیێ، ل سه‌ر داخوازا خه‌لکی و هه‌ڤالێن خوه، دووباره بهێز و شیان ڤه من بریار دا کو جاره‌کا دی ڤه‌گه‌رمه سه‌ر کارێ خوه یێ هونه‌ری.
گۆتژی، ژبلێ شنگالێ من ستران ل وه‌لاتێن ئه‌وروپا ل فه‌ره‌نسا، ئه‌لمانیا و هۆله‌ندا بۆ جه‌ماوه‌رێ خۆ گۆتینه.
زێدانی گۆت، تا نۆكه من پێنج کلیپێن ڤیدیۆیی و زێده‌تر ژ ده‌هـ سترانان تۆمار کرینه و هه‌ر سترانه‌ک ژ سترانێن وی چیرۆکه‌کێ ڤه‌دبێژیت، گاڤ جارا یا شادیێ، گاڤ جارا یا خه‌مگینیێ، لێ هه‌رده‌م یا هیڤی و ئومێدێ.
تێ زانین هۆنه‌رمه‌ند زێدان شنگالی ب كارێن خێرخوازی ژی ب ناڤونده‌نگه و هه‌رده‌م ل رێزا پێشیێ یه.
تُتاح هذه الصورة أيضا في: کوردی
