700 فلم بۆ پشكداریكرنێ گه‌هشتنه فلمه ڤیسته‌ڤالا دهۆكێ
باسنيوز:
ئه‌ڤ سالە 700 فلم بۆ پشكداریكرنێ گه‌هشتنه فلمه فیسته‌ڤالا دهۆكێ ژ وانا ژى 100 فلم هاتنه وه‌رگرتن بۆ پشكداریكرن ژ فلمه فیسته‌ڤالا دهۆكێ دا ژوانا ژى 50 فلمێن كوردى بوون.
حه‌سه‌ن عارف، په‌یڤدارێ فلمه فیسته‌ڤالا دهۆكێ دیاركر، ئه‌ڤ سالا ڤیسته‌ڤال د قوناغێن باشدا ده‌ربازبوویه، په‌یاما سه‌ره‌كی یا ڤیسته‌ڤالێ دێ ب زمانى كوردى بیت، به‌شداریا گه‌نجێن دهۆكێ دڤیستەڤاڵێدا یا باشه فلمین سینه‌مایێ هاتنە چێکرن، ئه‌ڤه جهێ دلخۆشى یه ده‌مێ ده‌رگه‌هـ هاتیه ڤه‌كرن بۆ پشكیشكرنا فلما و هه‌تا 700 فلم بۆ پشكداریكرنێ گه‌هشتینه فلمه فیسته‌ڤالا دهۆكێ ژ وانا ژى 100 فلم هاتنه وه‌رگرتن ئه‌وژى فلمێن كورت و درێژ بوون.
سه‌میر عه‌لى، سه‌رۆكێ فلمه ڤیسته‌ڤالا دهۆكێ ئاشكرا كر، وه‌كو كورد و كوردستانێی ئارمانجا مه یا سه‌ره‌كى ژ فلمه ڤیسته‌ڤالا دهۆكێ ئه‌وە کۆ ئه‌م خوە بدەینه نیاسین وكلتورى خوە بدەینه نیاسین و تێكه‌لی پتر درسگوست بكه‌ین و تێكه‌لیا كه‌لتورێن بیانى و سه‌ربورێن ده‌وله‌مه‌ندێن سینه‌ما جیهانى و كومپانیێن چێكرن و به‌رهه‌مئینانا فلمان بینین كوردستانێ، گه‌له‌ك ئارمانج هه‌نه ژوانا ژى ئارمانجێن ئابورى و گه‌شت و گوزارى سال بۆ سالێ وه‌لاته‌ك مێڤانداریێ دکەت، ئه‌ڤ ساله فه‌ره‌نسا هاتیه هه‌لبژارتن كۆ فه‌ره‌نسا وه‌لاته‌كێ ده‌وله‌مه‌ندە ب كه‌لتور و ره‌وشه‌نبیریا خوە كۆ فه‌ره‌نسا وه‌لاتى ئێكى یه شیایە ره‌وشه‌نبیریێ بگه‌هینته وه‌لاتان.
ته‌كه‌ز كر، خه‌لكێ فه‌ره‌نسا زوو تیكه‌لیێ دروست دكه‌ت وپ پێشوازیێ ژ تشته‌كێ نوێ و مه‌زنترین ڤیستەڤاڵێ دكه‌ت و سینه‌ماكارێن مه ژى گه‌له‌ك نیزیكبوون هه‌یه له‌ورا ژى ئه‌ڤ سالا فه‌ره‌نسا وه‌كو وه‌لاتى میهڤان بۆ فلمه فیسته‌ڤالا دهۆكێ به‌شداره.
خۆیا كر، ئه‌ڤ سالە به‌شێ فلمه فیسته‌ڤالا زارۆكان هاتیه دانان دێ هه‌تا 10 فلم هه‌بن ئه‌ڤه ژى بۆ پتر به‌رفره‌هكرنا فلمه قیسته‌ڤالا دهۆكێ هاتیه كرن فلمه ڤیسته‌ڤالا دهۆكێ ئه‌ڤ سالا جۆدایه ژسالێن بۆری و دێ باشتر بیت”.
تُتاح هذه الصورة أيضا في: کوردی
