دلۆڤان جەلال:كەسێ وێنەگر پێدڤیە ب رێزگرتن ئەتەكێتێن ڤی كاری ئەنجام بدەت
ئه‌ڤرۆ نيوز:
وێنەگر (دلۆڤان جەلال دینۆ) د دیدارەكێ دا بۆ رۆژناما ئەڤرۆ دیاركر كو ئەو خەلكێ گوندێ ربێبیێ یە سەر ب ناوچەداریا خانكێ ڤە، دەرچۆیێ پەیمانگەها تەكنیكی شێخان/پشكا كارگیری و كارە و فەرمانبەرە ل سەرۆكاتیا باژێرڤانیا خانكێ و وێنەگرە دگەل كەنالێ (سەما تیڤی) كو كەنالەكێ تایبەتە ب ئێزدیان ڤە و ئەڤە نێزیكی هەشت سالانە وەكو وێنەگر كاردكەت.
ناڤهاتی گۆت: پشتی من وەكو وێنەگر كاركری ئەز پتر دناڤ خەلكی دا بەرنیاس بووم و رۆژ بۆ رۆژێ حەزا من بۆ كارێ راگەهاندنێ زێدە بوو، مالباتا من پشتەڤانێن سەرەكی بوون كو ئەز یێ بەردەوام بم، چونكی كارێ راگەهاندنێ كارەكێ مرۆڤایەتی یە و ب رێیا چاڤكێ كامیرا خۆ دەنگ و رەنگێ خەلكەكی دگەهینمە جهێن شۆلەژێ و هەردەم ئەز دبێژم ئەو كەسێ دبیتە وێنەگر پێدڤیە ب رێزگرتن ئەتەكێتێن ڤی كاری ئەنجام بدەت، ب تایبەت ژی دەمێ دچیتە ناڤ كارێ مەیدانی دا،چونكو یا گرنگە ژیانا خەلكی یا پاراستی بیت ژ هەر رەفتارەكا نە دورست ژلایێ وینەگری ڤە ل دەمێ كاری دا.
تُتاح هذه الصورة أيضا في: کوردی
