دێ (قەدەرێ) بەلاڤ كەت
تۆرا لالش/هۆگر نەجیب
هونەرمەند دلگەش حازم خەلكێ باعەدرێ یە و نۆكە مژوولی كلیپەكێ یە بناڤێ قەدەر، و د دیدارەكێ دا بۆ تۆرا لالش بەحسێ كار و چالاكیێن خوە یێن هونەری دكەت و دبێژت، هەر ژ زارۆكینێ حەزا سترانگۆتنێ هەبوویە.
گۆتژی، مالباتا من ئامیرین موزیكێ دژەنن و خالێ من هونەرمەندێ چیایێ شنگالێ دەخیل ئۆسمانە، مەبەستا من ژ دەوروبەر و مالباتا من هونەرمەند و هونەر دۆستن هەر ڤان چەندان كارتێكرن ل من كرن و بوونە پالدەر هونەرێ سترانگۆتنێ هەلبژێرم.
دلگەش حازمی دا دیار كرن، من چار كلیپ هەینە و هەموو ژی ب شێوازێ فلكلوری نە ئەوژی ب ئارمانجا خزمەتكرتا فلكلورێ ئێزدیخانێ و چیایێ شنگالێ، كو پشكەك ژوان ژ پەیڤ و ئاوازێن هۆنەرمەند دەخیل ئۆسمانن.
گۆتژی، نۆكە مژوولی كلیپەكێ مە بناڤێ (قەدەر) كو ناڤەرۆكا وێ ل سەر حەز ژێكرنێ یە و كلیپەكا غەمگینە، نۆكە ل ستۆدیۆیا عەلی غەمگین د قوناغا تۆماركرنا دەنگی دایە، ژ پەیڤ و ئاوازێن هونەرمەند سەعید ئۆسمانن.
هونەرمەند دلگەش حازمی ئاشكەراكر، ئارمانجا من ژ هونەری ئەوە پەیڤ و فلكلۆرێ هندا بووی ب دەنگێ خۆ ژ مرنێ قورتال بكەم و ب ڤێ رییێ خزمەتا كلتور و فلكلۆرێ ئێزیدخانێ ب گشتی و چیایێ شنگالێ بكەم.
گۆتژی، قوتابیێ ئامادەیا باعەدرێ مە، ڤان ئامیران دزانم ئەوژی بزقێ و سازێ و جەمبوشێ و بیانوێ و ئۆرگێ دزانم و نۆكە هێدی هێدی خۆ فێری ئامیرێ عودێ دكەم.
هونەرمەند دلگەش حازمی ئاشكەراكر، هەروەسان كارێ نڤیسینا پەیڤ و ئاوازان بۆ هونەرمەندان دكەم كلیپەك ب ناڤێ كەچا ئێزیدخانێ بەلاڤبوویە كو ژ پەیڤ و ئاوازێن من ب خوەنە كو ژلایێ هونەرمەند پیر ئەیاد شنگالی هاتیە گۆتن د سۆشیال میدیایێ ب تایبەت ل تۆرا كۆمەلاتییا تیك توكی بوو ترێند و گەلەك هاتە بەلاڤكرن.
گۆتژی، هیڤیا من ئەوە ل پاشەرۆژێ داەوات و ئاهەنگان بگێرم و د خزمەتا وەلات و جڤاكێ خۆ دابم، هەروەسان داخوازێ ژ جهێن شۆلەژێ دكەم خوە ل كەسانێن بەهەرەمەند بكەنە خودان داكو بەهرەیێن وان بكەفنە د خزمەتدا وەلاتی دە.
تُتاح هذه الصورة أيضا في: کوردی
