موزیکژەنەك: خەونا منە موزیکا کوردی پێشبێخم
تۆرا لالش/ فاديا به‌ده‌ل
شاد شەوکەت،ئێك ژ موزیکژەنين گه‌نج خه‌لكێ کۆمەلگەها شاریایە ،د كورته دیدارەکێ دا بۆ تۆرا لالش دياركر؛هەر ژ زارۆکینیێ حەزا فێربوونا ئامیرێن موزیکێ هەبوويه و هیڤیا وى يه موزیکا کوردی پێشبێخت.
گۆتژی: نۆکە قوتابیێ هۆنەرێن پەیمانگەها جوانێن دهۆکێ مە و ماوێ چار سالایە ئامیرێ موزیکێ مینا سازێ د ژەنم، هه‌ر ژ زارۆکینێ حەزا ئامیرێت موزیکێ من هەبوويه، سازا دەڤەرا شنگالێ کارتێكرن ل من کريه، ماوێ 4 سالايه تەمبورێ دژەنم و جمبشێ ژی دژەنم و نۆكه ئەز خۆ فێرى ئاميرێ عودێ دكه‌م و تا ئاسته‌كێ باش فێربوويمه، ل سەنتەرێ به‌هارا هيڤييا وه‌ك ماموستايێ موزيكێ كار دكه‌م.
شادى ئاشكه‌راكر: مالبات و هه‌ڤالێن من پشتەڤانێن من يێن سه‌ره‌كى بوون د ڤى بياڤى دا و هه‌تا نۆكه‌ژى د به‌رده‌وامن.
ديار ژى كر؛ هەر کەسەکێ بەهرەیەک هەبت دڤێت خۆ پێشبێخيت و كارێن جێاواز بكەت داكو پشتەڤانيا وى بێتە کرن، و دخوازم گرنگی ب هونەرێ مە بهێتە دان و پشته‌ڤانيا بەهرەمەندێن مە بهێتە كرن چ موزيكژه‌ن بت يان شيوەكار بت…هتد.
تُتاح هذه الصورة أيضا في: کوردی
