گەنجەكێ ئێزدی هەڤركیێ ل سەر ڕێزبەندیا كورتە فلمان دكەت
تۆرا لالش:
دەرهێنەرێ گەنج سەرهات ناریمان خەمۆ ئاكنجیێ كۆمەلگەها شاریایە و نۆكە قوتابیێ زانكۆیا ئەمریكییە، دەرهێنەر و سیناریۆ و نڤیسەریا كورتە فلمەكی دكەت ب ناڤێ(The True Treasure)،كو نۆكە گەهشتیە قوناغا داویێ و دێ هەڤركیێ ل سەر رێزبەندیا كورتە فلمان كەت.
ل دۆر كورتە فلمێ خوە،دەرهێنەرێ گەنج سەرهات نەریمان بۆ دەنگێ لالش ئاشكەراكر،د نۆكەدا فلمێ(The True Treasure) گەهشتیە قوناغا داویێ كو ل (19/11/2022)ێ دێ رێزبەندیا پلەیا فلمی ژلایێ لژنەیەكا دەزگەهێ روانگە ئێتە دیاركرن،دیسان ل رۆژا (25/11/2022)ێ ل هۆلا سەعد كورتە فلم بۆ ئێكەمین جار دێ ئێتە نیشاندان و هەر دێ كەفتە د پێشبیركیا دەزگەهێ روانگەدا،ئەڤ كورتە فلمە ل سەر كەسەكی یە كو نەخشەیەكی دبینت و ب شێوەیەكی هاتیە نەخشاندن كو هەموو كەس نكارن تێبگەهن و ئەو نەخشە وی كەسی بەرەف جیەكی دبەت ژ بۆ دیتنا گەنجینەكێ.
ئەو چەندە ژی دا زانین،ئارمانج و مەرەما من ژ ڤی كورتە فلمی گەهاندنا نامەیەكێ یە بۆ جڤاكی،ئەوژی ژبەر گرنگیا زانین و مەعریفەتێ، دیسان هزر ژی هەر ژ دەوروبەرێن من بۆ من چێبوو كا بۆچی مرۆڤ گرنگیێ نادەتە هندەك تشتان كو پێتڤیە بتر گرنگی پێ بێتەدان.
ل داویێ ناڤهاتی گۆت:بتنێ كەسوكار و هەڤال دگەل من ئەكتەر بووینە و دخوازم پشتەڤانی ل هەموو گەنجان بێتەكرن،چنكو هەتا نۆكە وەكو پێتڤی پشتەڤانی ل گەنجان نەهاتیە كرن.
تُتاح هذه الصورة أيضا في: کوردی
