تۆرا لالش
ئيڕۆ ئينيێ 15-8-2025، بنگه‌هێ لالش یێ ڕه‌وشه‌نبیری و كۆمه‌ڵایه‌تی ل دهۆكێ په‌يامه‌ك ل يازده‌هه‌مين بيره‌وه‌رييا كۆمكوژيا گوندێ كۆچۆ به‌ڵاڤكر و دبێژت: دڤێ هێرشێ دا تیرۆرستان ب سه‌دان کچ و ژنێن ئێزدی ب دارێ زۆرێ ڕەڤاندن و ل بازاڕان کرین و فرۆتن ب وان کرن، وەکو هەر کەلوپەلەکی بێ بها.
دپه‌ياما بنگه‌هێ لالش دا هاتييه:
ب مخابنی ڤه پشتی رێكخراوا تیرۆرستی یا داعش ده‌ڤه‌را شنگالێ داگیركری و بۆ هه‌یاما چه‌ندین ڕۆژان گوندێ كۆچۆ دوورپێچكری ل ڕێككه‌فتی 15/8/2025ێ مه‌زنترین تاوان ئه‌نجامدان، ئه‌م ڤێ كۆمكووژیێ ب تووندی شه‌رمه‌زار دكه‌ین.
ئه‌وژی ب سه‌دان ژ خەلکێ گوندێ کۆچۆ ب دەستێن وان یێن قرێژ هاتنە کوشتن و گرتن و مالێن وان تالان و وێران کرن و ژسەر جهـ و وارێن خۆ دەربەدەربوون، دڤێ هێرشێ دا تیرۆرستان ب سه‌دان کچ و ژنێن ئێزدی ب دارێ زۆرێ ڕەڤاندن و ل بازاران کرین و فرۆتن ب وان کرن، وەکو هەر کەلوپەلەکی بێ بها.
ئەڤە ژی جارا ئێكێ د چه‌رخێ بیست و ئێكێ دا ل سەرانسەری جیهانێ رووبدەت و ئەڤ جۆرێ سەرەدەریێ دگەل مرۆڤان بێتە کرن و بڤێ رەنگی ئافرەت بێتە تەپەسەر کرن و ئێشاندن.
گرتن و ڕەڤاندنا ئافره‌تێن ئێزدی ل کۆچۆ دیاردەکا جەرگ برە و گونەهباریەکا مەزنە هەستێ هەر کەسەکی خودان وژدان ل سەر روویێ ڤێ ئەردێ هژاند و مانا وان هەتا نهۆ دناڤ دەستێن هۆڤ و نەمەردان دە شەرمەزاریەکا هەتکبەرە بۆ هەر مرۆڤەکی خودان کەرامەت.
د ڤێ بیرئینانا جه‌رگبر دا، هیڤی و داخوازیێن مه ئه‌ون كاره‌ساتا شنگالێ ب جينۆساید بێته هه‌ژمارتن و ڕه‌ڤانديێن ئێزدی یێن د ده‌ستێ هۆڤێن داعش دا بێنه‌ڕرزگاركرن.
هه‌زار سلاڤ ل سه‌ر گیانێ جانگۆرییان و ڕووه‌شی بۆ تاریكپه‌رستان.
بنگه‌هێ لالش یێ ڕه‌وشه‌نبیری و كۆمه‌ڕیه‌تی/دهۆك
15/8/2025
تُتاح هذه الصورة أيضا في: کوردی
