حوزه‌یران 16, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

په‌رتۆكا جەوهەرا هەبوونێ ب زمانێ ئەلمانی هاتە بەلاڤکرن

په‌رتۆكا جەوهەرا هەبوونێ ب زمانێ ئەلمانی هاتە بەلاڤکرن
تۆڕا لالش/سەگڤان شنگالی

د دەمێن داویێ دە نڤیسەرێن ئێزدی هەول ددن نە ب تنێ زمانێ کوردی بەرهەمان بنڤیسن و بەلاڤ بکن بەلکو ژبۆ کو خوەندەڤانێن بیانی ژی بکاربن زانیاریان ل دۆر ئێزدیاتیێ بدەست ڤە بینن هەول ددن ب زمانێن دی ییێن جیهانی بنڤیسن ژ وان ژی ( ئنگلیزی، ئەلمانی، فرنسی، عەرەبی)….
یەک ژ وان نڤیسەران بەدیع سەلمان ـە کو نڤیسەرەکی ئێزدی یێ گەنجە، د دیدارەکا تایبەت دا وەسان باس دکەت: من ل سالا 2014 پەرتووکەک ب زمانێ عەرەبی ب ناڤ و نیشانێ ( ليس المهم ان التعيش بل المهم ان تعيش بصورة صحيحة) نڤیساند و بەلاڤ کر و هەروەسان من گەلەک گوتار و راپۆرت ل دۆر فەلسەفە و باوەریێن ئێزدیان ب زمانێ عەرەبی و ئنگلیزی نڤیساندنە.
د بەردەوامیا ئاخفتنا خۆ دە دا دیارکرن ژبەر زێدەبوونا خەلکێ مە ل ئەلمانیا و داخوازیا بتریا وان من ئەڤێ جارێ دە پەرتووکەک ب زمانێ ئەلمانی ب ناڤ و نیشانێ( جەوهەرا هەبوونێ) نڤیساند و بەلاڤکر کو نهۆ دکارن ل سەر سایتێ ئەمەزۆن ب دەست خۆڤە بینن کو ناڤەرۆکا پەرتووکێ باس ل فەلسەفا کەڤنار و دیاردێن سروشتی دناڤ ئایینێ ئێزدیان دە دکەت کو دناڤ دە من هەول دایە چەندین ژێدەرێن ئەکادمی و چاڤپێکەفتنێن مەیدانی ئەنجام بدم.
و هەروەسان ژ لایەکی دی ڤە باس کر کو من ل بەرە ل دەمەکی نێزیک دە ئەڤێ پەرتووکێ وەرگێرم سەر زمانێ ئنگلیزی ژی.
ل دوماهیێ ژی ئاماژە ب وێ یەکێ کر کو من دڤێت نڤیسەرێن ئێزدی د ڤی دەمی دا باگراوەندێن زانستی و جڤاکی یێن هەمە جۆر هەبن و هەروەسان هەر یەک ل گۆری شیانێن خۆ رابن ب شرۆڤەکرن و ژیەک جوداکرنا وان بابەتێن هاتیینە بەرهەڤکرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi