سه‌رۆكێ بنگه‌هێ لالش پێشوازيێ ل شانده‌كێ ئێکەتیا ئافرەتێن کوردستانێ دكه‌ت
تۆڕا لالش/دهۆك
ل ڕۆژا چارشه‌مبوويێ 15ى ئه‌يارا 2024ێ،ل باره‌گايێ بنگه‌هێ لالش به‌رێز “سه‌عيد جردۆ” سه‌رۆكێ بنگه‌هێ لالش پێشوازى ل خانم “زیبا خان” سکرتێرا ئێکەتیا ئافرەتێن کوردستانێ و ئەندامێن دەستەیا سکرتاریەتی كر.
د هه‌ڤديتنێ دا و ب ئاماده‌بوونا ئه‌ندامێن ده‌سته‌يا بلند بنگه‌هێ لالش، خانم زیبا خان سکرتێرا ئێکەتیا ئافرەتێن کوردستانێ پيرۆزباهى ل بنگه‌هێ لالش كر ب هه‌لكه‌فتا 31هه‌مين ساڵڤه‌گه‌ڕا بنگه‌هى و هيڤيا سه‌ركه‌فتنێ بۆ خواست.
سه‌رۆكێ بنگه‌هێ لالش خۆشحاليا خۆ ده‌ربرى و سوپاسيا ئێکەتیا ئافرەتێن کوردستانێ كر بۆ ڤێ سه‌ره‌دانێ.
دڕێوره‌سمه‌كا ژ هه‌ژى دا ل ڕۆژا 12/5/2024ێ، ساڵڤه‌گه‌ڕا دامه‌زراندنا بنگه‌هێ لالش ل دهۆكێ هاته ساخكرن و تێدا چه‌ندين برگه و چالاكيێن جۆراوجۆر هاتنه ئه‌نجامدان.
بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ،ل ڕێككه‌فتى 12/5/1993ێ ل سه‌ر ده‌ستێ هه‌ژماره‌كا ڕه‌وشه‌نبير و خه‌مخۆرێن ئێزديان هاته دامه‌زراندن و مه‌زنترين سازيا ڕه‌وشه‌نبيرييا ئێزديايه ل سه‌رتاسه‌رى جيهانێ و 38تايى و نڤيسينگه‌هـ هه‌نه و دبياڤێن جودا جودا خزمه‌تا جڤاكا ئێزديان ب تايبه‌ت و يا كوردستانى ب گشتى دكه‌ت.
تُتاح هذه الصورة أيضا في: کوردی
