بنگه‌هێ لالش 67 په‌رتووك چاپ و به‌لاڤكرینه
باسنيوز:
به‌رپرسێ به‌شێ ڤه‌كۆلینا ده‌سته‌یا بلندا بنگه‌هێ لالش یێ ره‌وشه‌نبیرى و جڤاكى دیاركر، هه‌ر ل رۆژا دامه‌زراندنا بنگه‌هێ لالش 12/5/1993ێ ئه‌ڤ بنگه‌هه كه‌فتیه خزمه‌تا خه‌لكێ خۆ دا و هژماره‌كا مه‌زن یا چالاكیێن هه‌مه جۆر ئه‌نجامداینه”.
داوود خه‌تارى، بۆ (باسنیوز) راگه‌هاند، هه‌تا نوكه پتر ژ 67 په‌رتووك چاپ و به‌لاڤكرینه و 51 هژمارە ژ گوڤارا لالش هه‌تا نوكه هاتنه چاپ و به‌لاڤكرن، زێده‌بارێ ڕۆژنامه‌یا ده‌نگێ لالش کۆ گه‌له‌ك هژمارە به‌لاڤ كرینه و تورا لالش ژى خزمه‌ته‌كا باش ئه‌نجامدایه و هاریكاریا گه‌له‌ك نڤیسه‌ران هاتیه كرن و گه‌له‌ك فیسته‌ڤال و سمینار و چالاكی ئه‌نجامداینه و بنگه‌هێ لالش به‌رده‌وام پشته‌ڤانى و هاریكاریا قوتابیان دكه‌ت”.
داوود خه‌تارى، گووت:” بنگه‌هێ لالش گه‌له‌ك به‌رفره‌هـ بوویه پتر ژ شه‌ش هزار ئه‌ندامان هه‌نه و 38 لق و نڤیسێنگه‌هـ هه‌نه و چه‌ندین کۆنگره ئه‌نجامداینه‌و گه‌له‌ك نڤیسه‌رێن کۆ ئه‌ڤرۆ خزمه‌تى دكه‌ن قوتابین بنگه‌هێ لالش بوونه”.
تُتاح هذه الصورة أيضا في: کوردی
