ئایار 25, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەرۆکێ بنگه‌هێ لالش:بريارا په‌رله‌مانێ ئه‌رمه‌نستانێ پێنگاڤه‌كا گرنگه‌ بۆ پشتەڤانيا ئێزدیان

سەرۆکێ بنگه‌هێ لالش:بريارا په‌رله‌مانێ ئه‌رمه‌نستانێ پێنگاڤه‌كا گرنگه‌ بۆ پشتەڤانيا ئێزدیان

باسنيوز:

سه‌رۆكێ دەسته‌یا بلندا بنگه‌هێ لالش یێ ره‌وشه‌نبیرى و جڤاكێ ل دهۆكێ دیاركر، ده‌ست نیشانكرنا رۆژا 3/8 بۆ جینۆسایدا ئێزدیان ژلایێ په‌رله‌مانێ ئه‌رمه‌نستانێ ڤه‌ پێنگاڤه‌كا گرنگه‌ بۆ پشتەڤانیا ئێزدیان و ناساندنا جینۆسایدا ئێزدیان”.

سه‌عید جردو، سه‌رۆكێ دەسته‌یا بلندا بنگه‌هێ لالش یێ ره‌وشه‌نبیرى و جڤاكێ ل دهۆكێ بۆ (باسنیوز) گووت:” گه‌له‌ك وڵاتان دانپێدان ب جینۆسایدا ئێزدیان كریه‌، سالا 2014ێ تیرۆرستێن داعش هیرش کرە سه‌ر شنگالێ و دئه‌نجامدا ب هزاره‌ها خه‌لكێ سڤیل بوونە قوربانی و هه‌تا نوكه‌ ژى چاره‌نڤیسێ گه‌له‌ك كه‌سان دیار نینه‌، ئەڤە 10 سال بسەر جینۆسایدا شنگال دەرباز بوون و هێشتا حكومه‌تا عێراقێ دانپێدان پێ نەکریە و خه‌لكێ شنگال نەهاتیە قه‌ره‌بوو کرن و هەمی رەڤاندیێن ئێزدی هێشتا رزگار نەبووینە و خانیێن خرابوویی یێن خەلکێ نەهاتینە ئاڤا کرن “.

ئاشكرا ژی كر، ل ڤێ دوماهیێ پەرلەمانێ ئەرمەنستانێ ب كۆما دەنگان بڕیار ل سەر پڕۆژەیێ دیاریكرنا ڕۆژا 3/8 بۆ بیرئانین و ڕێزگرتن ژ قوربانیێن جینۆسایدا ئێزدیان دا، ئه‌ڤه‌ پێنگاڤه‌كا مه‌زن بوو بۆ ناساندنا جینۆسایدا ئێزدیان و هێڤیدارێن عێراق ژى دانپێدانێ ب جینۆسایدا شنگال بكه‌ت”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi