قاسم شه‌شۆ ل سه‌ر ئيمزاكرنا به‌لگه‌نامه‌يا هه‌ماهه‌نگى و ئاشته‌وايێ هاته ده‌نگ
تۆڕا لالش:
قاسم شه‌شۆ،فه‌رماندێ هێزێن پێشمه‌رگه‌ى ل شنگالێ ل سه‌ر ئيمزاكرنا به‌لگه‌نامه‌يا هه‌ماهه‌نگى و ئاشته‌وايى هاته ده‌نگ و ڕاگه‌هاند،ئێزديان كێشه ل گه‌ل هۆزێن عه‌ره‌بان نينن،به‌لكو ل گه‌ل يێن ده‌ست ل گه‌ل داعشێ دا هه‌ى و ئه‌ڤا هاتيه كرن پێنگاڤه‌كا سه‌ركه‌فتى نه‌بوو.
دبه‌ياننامه‌يه‌كێ دا “قاسم شه‌شۆ” فه‌رماندێ هێزێن پێشمه‌رگه‌ى ل شنگالێ ئيرۆ ڕۆژا ئێك شه‌مبوويێ 31ى ئادارا 2024ێ، ڕاگه‌هاند و كۆمپيه‌كا وێ بده‌ست تۆڕا لالش كه‌فتيه و تێدا هاتيه،دوهى ڕۆژا شه‌مبوويێ به‌لگه‌نامه‌يا هه‌ماهه‌نگى و ئاشته‌وايى دنێڤبه‌را پشكه‌كا ئێزديان و عه‌ره‌بان دا هاتيه ئيمزاكرن،ئه‌ڤه پێنگاڤه‌كا ب ته‌مام يا سه‌ركه‌فتى نه‌بوو،ئێزديان ئيرۆ پێدڤى ب دادپه‌روه‌ريێ هه‌يه و دادپه‌روه‌رى ب هێزى پشته‌ڤانا وان بت.
گۆت ژى: ئێزديان كێشه ل گه‌ل هۆزێن عه‌ره‌بان نينن،به‌لكو ل گه‌ل وان هۆزێن عه‌ره‌بان هه‌يه يێن هاريكارى و ده‌ست ل گه‌ل داعشێ هه‌ى ئه‌وێن تاوان ده‌رهه‌قێ ملله‌تێ مه دا ئه‌نجامداى دڤێت لێپرسين ل سه‌ر كريارێن وان يێن هۆڤانه ل گه‌لدا بێته كرن و نۆكه پێدڤيه‌كا بله‌ز هه‌يه بۆ ئاشكراكرنا ناسنامه‌يا كه‌سێن هاريكاريا تيرۆرستێن داعشێ كرى و تاوان دژى ئێزديان كرين نۆكه دناڤا وان هۆزان دا دئازادن،گه‌هاندنه وان كه‌سان بۆ دادگه‌هێ پێنگاڤه‌كا چاره‌نڤيسازه به‌ره‌ڤ گه‌هشتن بۆدادپه‌روه‌رى و ئاڤاكرنا باوه‌ريێ دناڤبه‌را ئێزديان و عه‌ره‌بان ل ده‌ڤه‌رێ دا.
ئاشكراكرژى:پێدڤيه هنده‌ك ژ ئەندامێن وان هۆزێن عه‌ره‌بان يێن هاريكاريا داعشێ كرى و ده‌ست هه‌بوو ل ئه‌نجامدانا تاوانان ل دژى مرۆڤايه‌تيێ،دڤێت لێپرسين دگه‌ل دا بێته كرن ل سه‌ر كريارێن وان يێن هۆڤانه،ل سه‌ر ڤان هۆزان ئه‌وان كه‌سێن ده‌ست ل تاوانان دا هه‌ى ڕادەست بکەن و بزاڤێ بكه‌ن شان ب شانێ ئێزدیان ب سه‌كنن بۆ گەهشتن ب دادپەروەری و یەکسانيێ.
فه‌رماندێ هێزێن پێشمه‌رگه‌ى ئاماژه ب وێ چه‌ندێ دا هه‌ڤكاريكرن ل گه‌ل ئێزديان و پێشكێشكرنا پشته‌ڤانيێ ژبۆ بده‌ستڤه‌ئينانا دادپه‌روه‌ريێ ڕه‌نگڤه‌دانا پاپه‌ندبوونێ ب به‌هايێن دادپه‌روه‌ريێ و ڕێيا ئاشته‌وايێ خۆش دكه‌ت.
هه‌ژى گۆتنێ يه دوهى کۆنفڕانسێ ڕاگەهاندنا بەلگەیا هەماهەنگیێ ل باکورێ شنگالێ ژ لایێ کۆمەلگەها رزگاری یا عێراقێ ب هەماهەنگی ل گەل پەیمانگەها ئەمریکی بۆ ئاشتی ب رێڤەچوو و دانوستاندن د ناڤبەرا سەرۆکاتیا کۆنفڕانسی و نوونەریێن دەڤەران هاتە کرن.
تُتاح هذه الصورة أيضا في: کوردی
