153 ملیار دینار بۆ ئاڤەدانکرنا ده‌ڤه‌رێن شنگال و بەعاج و تەلەعفەر هاتنە تەرخانکرن
باسنيوز:
ئەندامێ پەرلەمانی عێراقێ دیار کر، پشتی سوودانی سەرەدانا شنگال کری گوژمێ 153 ملیار دینار بۆ ئاڤەدانکرنا دەڤەرا شنگال و بەعاج و تەلەعفەر تەرخانکرن، مە دڤێت لگور رێژا ئاکنجی و وێران بوونا دەڤەران پارە بهێتە دابەشکرن.
مەحما خەلیل، ئەندامێ پەرلەمانی عێراقێ راگەهاند، پشتێ سەرەدانا سەرۆکێ حکومەتا عیراقێ محەمەد شیاع سوودانی بو دەڤەرا شنگال رازیبوون ل سەر تەرخانکرنا گوژمێ 153 ملیار دینار بۆ ئاڤەدانکرنا دەڤەرێ هاتنە تەرخانکرن، مە دڤێت سوودانی سەرەدانەکا مەیدانی بۆ شنگال و گرعزێر و سیبا شێخدر و هەمی دەڤەرێن سەر شنگال ڤە بکەت داکو خزمەتا هەمی دەڤەران بهێتە کرن.
گووت، شنگال وێران بوویە راستێ جینۆسایدێ هاتیە و هێشتا خەلکێ شنگالێ ئاوارەنە و گۆرێن بکۆم هێشتا ل شنگالێ هەنە و چارەنڤیسێ پتر ژ دوو هزار کەسان دیار نینە داخواز دکەین کۆ هەڤکاریا شنگال بهێتە کرن.
مەحما خەلیل، ئاشکراکر، ب نڤیسارێن فەرمی مە داخوازا بجهئینانا پرۆژێن گرنگ بۆ شنگالێ کریە ژ وانا ژی پرۆژێ ئاڤا شنگال و زانکۆیا شنگال و قەرەبوویا جوتیارێن شنگال و ئاڤاکرنا سایلۆیا شنگال و گەهاندنا پرۆژان بۆ هەمی دەڤەران.
تُتاح هذه الصورة أيضا في: کوردی
