نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەبری سلێڤانەى:دڤێت درێژیێ ب پرۆژه‌يێ ئەحمەدێ خانێ يێ بهێزکرنا هزرا نەتەوەیی بدەین

سەبری سلێڤانەى:دڤێت درێژیێ ب پرۆژه‌يێ ئەحمەدێ خانێ يێ بهێزکرنا هزرا نەتەوەیی بدەین
تۆڕا لالش/دهۆك
پێنج شه‌ما ڕه‌وشه‌نبيرى كو هه‌فتيانه‌ ژ ئاليێ بنگەهێ لالش ڕەوشەنبیری و کۆمەڵایەتی ل دهۆكێ دئێته‌ ئه‌نجامدان،ئيرۆ ڕۆژا پێنج شه‌مبوويێ 22ى شوباتا 2024، ل پەرتوکخانا پیر خدر سلێمان دانوستاندنا لالش4 بۆ نڤیسەر و ڕۆناکبیر “سەبری سلێڤانەی” ل دۆر(هزرا نەتەوەیی بەرەف کوڤە) ب ڕێڤه‌چوو،ب ئاماده‌بوونا بژاره‌يه‌كا كه‌سايه‌تى و ڕەوشەنبیر و نڤیسەران.

ل پێشيێ ئاماده‌بوويى خۆله‌كه‌كێ سه‌كنين ل سه‌ر گيانێ پاكێ جانگۆريان،ل دووڤدا نڤیسەر و ڕۆناکبیر سەبری سلێڤانەی تيشك خسته‌ سه‌رهزرا نەتەوەیی و خوياكر كو زانست هزرا نەتەوەیی بهێز دکەت و ناکۆکیێن ناڤخۆیی هزرا نەتەوەیی لاواز دکەن و کەسەیەتییەکا نەسەقامگیر بەرهەم دئینت،دياركر ژى ئەحمەدێ خانێ پرۆژە ژبۆ بهێزکرنا هزرا نەتەوەیی هەبوو، لەورا پێتڤیە درێژیێ ب وی و وان پرۆژان بدەین یێن دبنە ئەگەرێ بهێزكرنا هزرا نەتەوەیی.

سلێڤانەی ئاماژه‌ ب وێ چه‌ندێ دا بهێزکرنا هزرا نەتەوەیی دبنيات دا ل زارۆکینيێ ده‌ست پێ دكه‌ت،دڤێت زارۆك بێتە پەروەردەکرن،چنکو پەروەردەکرنا وی دانانا بنیاتەکێ نشتیمانییە،ديسان جڤاکێ سڤيل هزرا نەتەوەیی بهێز دکەت و دبتە ئەگەر زێدەتر جیهان تەقەبوولا مە بکەت و بهێزبوونا هزرا نەتەوەیی،چارەنڤیسییە و بهێزکرنا وەلاتییە.

ل پێرا ده‌رگه‌هێ دانوستاندنێ دناڤبه‌را ئاماده‌بوويان و نڤيسكارى دا هاته‌ ڤه‌كرن و دانوستاندن بتر زه‌نگين و ده‌وله‌مه‌ند كرن و ب سنگه‌كى به‌رفره‌هـ به‌رسڤا پرسياران هاته‌ دان.

پاشان ڕێزدار سه‌عيد جردۆ،سه‌رۆكێ ده‌سته‌يا بلندا بنگه‌هێ لالش سوپاسيا رۆناكبيرى و شرۆڤەیێن وی و ئامادەبوویان کر و ته‌كه‌زكر دڤێت د گەشبین بین ژبۆ بهێزکرنا هزرا نەتەوەیی.

       

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi