“چاوانيا سەرەدەریکرنا گەنجان ل گەل سۆشیال میدیایێ دسميناره‌كێ دا هاته به‌حسكرن”
تۆڕا لالش:
نڤيسينگه‌ها لالش ئێسيا سميناره‌ك ل دۆر(چاوانيا سەرەدەریکرنا گەنجان ل گەل سۆشیال میدیایێ) بۆ “كاروان باعه‌درى” به‌رپرسێ ڕاگه‌هاندنا ده‌سته‌يا بلندا بنگه‌هێ لالش و ب ئاماده‌بوونا كۆمه‌كا قوتابيێن ئاماده‌يا ئێسیا یا خووندنا عەرەبی ڕێكخست.
دسمينارا خۆ دا به‌رپرسێ ڕاگه‌هاندنا بنگه‌هێ لالش ب تێر و ته‌سه‌ڵى به‌حس ل چاوانيا سەرەدەریکرنا گەنجان ل گەل سۆشیال میدیایێ دڤى سه‌رده‌مى دا بۆ قوتابيان كر و دياركر كو بكارئينانا سۆشیال میدیا وه‌ك مینبه‌ره‌كى تا تاك بكارت بیرو بۆچۆنێن خۆ تێدا ب سه‌ربه‌ستى و ئازادى بێژت و ده‌ربرت و به‌لاڤ كه‌ت.
پاشان ده‌رگه‌هێ دانوستاندن و گه‌نگه‌شێ دناڤبه‌را سميناربێژى و قوتابيان دا هاته ڤه‌كرن و پشتى ئاڕاسته‌كرنا پرسياران به‌رسڤ ل سه‌ر هه‌موويان هاته دان.
تُتاح هذه الصورة أيضا في: کوردی
