گرنگييا فهلسهفێ دئاڤاكرنا گۆتارا ڕهوشهنبيرى دا د دانوستاندنهكا ڤهكرى دا هاته گهنگهشهكرن
تۆڕا لالش/دهۆك
ئيرۆ پێنج شهمبوويێ ١ی شۆباتا ٢٠٢٤ێ،ل پهرتۆكخانا پير خدر ل بنگههێ لالش ل دهۆكێ دانوستاندنهكا ڤهكرى ب ناڤ و نيشانێ(گرنگييا فهلسهفێ دئاڤاكرنا گۆتارا ڕهوشهنبيرى دا) ب ڕێڤهچوو.
ب ئامادهبوونا ڕێزدار “سهعيد جردۆ” سهرۆكێ دهستهيا بلندا بنگههێ لالش و ئهندامێن دهستهيا بلند و ههژمارهكا ئهكاديمى و كهسايهتى و مامۆستا و ڕهوشهنبيران،بنگههێ لالش دانوستاندنهكا ڤهكرى ب ناڤ و نيشانێ(گرنگييا فهلسهفێ دئاڤاكرنا گۆتارا ڕهوشهنبيرى دا) بۆ نڤيسكار و ڤهكۆلهر”جهعفهر جۆقى” ل دارخست.
ل دهستپێكێ سهرۆكێ بنگههێ لالش بخێرهاتنا ئامادهبوويان كر ودياركر كو سازكرنا ڤان جۆره دانوستاندنێن ڤهكرى گرنگيا خۆ بۆ جڤاكى ههيه و ئهڤ جۆره چالاكيێن ڕهوشهنبيرى دێ دبهردهوام بن.
دڤێ دانوستاندنێ دا نڤيسكار و ڤهكۆلهر”جهعفهر جۆقى” باس ل بنگههێ قۆناغێن پهيدابوون و سهرههلدانا فهلسهفێ ل ناڤا جڤاكێن ڕۆژئاڤا و ڕۆژههلات و ههرێما كوردستانێ و ميتۆلۆژيا ئێزديان دا كر و جهخت ل سهر چاوانيا پهيدابوونا فهلسهفێ و كاريگهريا وێ ل سهر ديرۆك و ژيانێ و پێويستيا جڤاكێ مه ب فهلسهفێ كر.
دئاليهكێ دى دا چهندهكێ ل سهر مژار و گۆتارا ڕهوشهنبيرى ل ههرێما كوردستانێ و گرنگيا وێ دناڤ جڤاكى دا بهحسكر.
پاشان ئامادهبوويان چهندين پرسيار ئاڕاستهى مامۆستايى كرن و بەرسڤێن هەموو پرس و پێشنیارێن وان هاتنە دان.
ل دووڤ بهرنامهكێ دارشتى برياره ههفتيانه دانووستاندنێن لالش ل دۆر مژارێن جودا جودا بێنه ل دارخستن.
تُتاح هذه الصورة أيضا في: کوردی