ته‌مموز 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگه‌هێ لالش:خودێ ژێ ڕازی “شێخ شامۆ” خزمەتەکا بەرچاڤا دۆزا گەلێ کوردستانێ کریە

بنگه‌هێ لالش:خودێ ژێ ڕازی “شێخ شامۆ” خزمەتەکا بەرچاڤا دۆزا گەلێ کوردستانێ کریە
ل دووه‌مين ساڵڤه‌گه‌ڕا خودێ ژێ ڕازى شێخ شامۆ،ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ په‌يامه‌ك بڤێ هه‌لكه‌فتا دلته‌زين به‌لاڤكر و دياركر كو وه‌غه‌ركرنا خودێ ژێ رازى خوساره‌ته‌كا مه‌زن بوو بۆ جڤاكا كوردستانێ ب گشتى و ئێزديان ب تايبه‌تى.

خودێ ژێ ڕازى شێخ شامۆ‌ ئێك ژ دامەزرێنەرێ بنگەهێ لالش بوو ل سالا 1993ێ وئەندامێ لیژنا بەرهەڤكاربوو و 30 سالا ژ تەمەنێ‌ خۆ خزمەتەكا پر سەرفەرازی بۆ جڤاكا كوردێن ئێزدی تۆماركر ب تایبەت ژی 29 سالێن بێ‌ ڤەقەتیان ژ كار و خەباتا وی ل بنگەهێ‌ لالش و ڕۆلەكێ‌ هەری مەزن هه‌بوو بۆ گەهاندنا پەیاما ڕەوشەنبیری و زانستی وسیاسی وبتریا ژیانا خۆ بۆ خزمەتا خەلكێ‌ خۆ تەرخانكربوو.

هه‌روه‌سا خودێ ژێ ڕازى کەسایەتییەکێ كوردپەروەر و نیشتیمانپەروەر و دیار و ژێهاتی یێ ئێزدییان بوو، و خزمەتەکا بەرچاڤا دۆزا گەلێ کوردستانێ کریە و هەردەم بەرەڤانێ ماف و داخوازیێن کوردێن ئێزدی بوو و ڕۆلەکێ گرنگ د پاراستن و خورتکرنا پێکڤەژیانا ئاشتییانە هەبوویە و ژ دەستدانا شێخى خوسارەتەكا ئێكجار مەزنە بۆ جڤاكێ‌ مە.

ب ڕاستی ئەم نكارین دبێهنەكێ‌ دا كەد و زەحمەت و خەباتا كەسەكێ‌ مینا شێخ شامۆ د چەند ڕێزەكان دا تەمام كەین و ب داوی بینین،ژبەركو ڕەحمەتیێ‌ شێخ كەد و خەباتەكا ئێكجار مەزن ل پشت خۆڤە هێلایە و ب مخابنی ڤە گەلەك ئارمانج هەبوون دگەل خۆ برن وبن ئاخكرن،ئه‌م سۆزێ دده‌ين لدووڤ دروشمێ پیرۆزێ بنگەهێ لالش(لالش کانیەکا زەلالە دهورته‌ درۆبارێ ڕەوشەنبیریا کوردیدا)،ئەم دڵسۆزانە خزمەتا جڤاکا کوردستانی ب گشتی ویا ئێزدی ب تایبەت بکەین.
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
17/1/2024

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi