شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگه‌هێ لالش:هێرشا پاسداران دژی خەڵکێ هەرێما کوردستانێ تاوانەکا دژی مرۆڤایەتیێ یە

بنگه‌هێ لالش:هێرشا پاسداران دژی خەڵکێ هەرێما کوردستانێ تاوانەکا دژی مرۆڤایەتیێ یە
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ،ب تۆندی ئیدانەیا هێرشا مووشەكی یا شەڤا بۆری یا پاسدارێن ئیرانێ بۆ سەر باژێڕێ هەولێرێ دكه‌ت.

پاسدارێن ئیرانێ ب به‌هانه‌یێن بێ بنه‌ما و ب ڕێيا هه‌ژماره‌كا مووشه‌كان هێرشى باژێڕێ هه‌ولێرێ كریه‌ و زیانێن گیانى ل پاش خۆ هێلاینه‌،ب توندى ئیدانه‌یا هێرشێ دكه‌ين‌ كو بوویه‌ ئه‌گه‌ر شه‌هید و بریندار ل پاش خۆ هێلاینه‌ و وه‌لاتیێن سڤیل و ژن و زاڕۆیێن بێ تاوان شه‌هید بووینه‌، ئارمانجا وێ تێكدانا سه‌قامگیریا هه‌رێما كوردستانێ یه‌ و دروستكرنا نه‌ره‌حه‌تیێ یه‌ و بنپێكرنا قانوونێن نێڤده‌وله‌تى و سه‌روه‌ریا ئاخا هه‌رێما كوردستانێ و عیراقێ یه‌.

ب تۆندی هێرشێن شڤێدی یێن دوژمنکاری یێن سوپایێ پاسدارێن ئیرانێ ئیدانە دکەین و بەردەوامیا هێرشان و شەهیدکرنا وەلاتیێن هەرێما کوردستانێ و ب ئارمانجگرتنا هەرێما كوردستانێ ، تاوانەكا بێ بەھانەیە و دژی یاسایێن نێڤدەولەتی و بهایێن مرۆڤی یە.

ئەوا پاسدارێن ئیرانێ دژی خەڵکێ بێ گونه‌هێ هەرێما کوردستانێ ئەنجام ددەت تاوانەکا دژی مرۆڤایەتیێ یە،دڤێت حکوومەتا فیدرال وجڤاکا نێڤ دەولەتی لێ بێنە دەنگ و ڕێ ل ڤان جۆره‌ كریارێن نه‌مرۆڤانه‌ و دوور ژ عورفێ جیرانیێ بگرن و ئێدى وه‌لاتیێن سه‌ربلندێن كوردستانێ نه‌بنه‌ ئارمانجا مووشه‌ك و درۆنان و حكومه‌تا فیدرال ژى ئه‌ركێ قانووى و ده‌ستوورى یێ خۆ بۆ پاراستنا وه‌لاتیان و سه‌روه‌ریا عیراقێ ئه‌نجام بده‌ت.

هه‌ر ديسان ب ڤان جۆرە هێرشێن بێ بنەما ئارامی و ئاڤەدانیا هەرێمێ دئێتە تێکدان و و داخوازێ ژ جڤاکا نێڤدەولەتی دكه‌ين ل پشتەڤانیا هەرێما کوردستانێ دبەردەوام بن.

ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
16ى كانوونا دووێ 2024ێ

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi