بريارێن ڕێکخستنا تازی و هەلكەفتان ل ناحیا خانکێ هاتنه دان
تۆڕا لالش:
ب مه‌ره‌ما ڕێکسختنا هەلکەفت و تازییان،سەرجەم گوندێن ناحیا خانكێ كۆمبوونه‌كا به‌رفره‌هـ ئه‌نجامدان و تيدا چه‌ند بريارێن نوو ده‌رێخستن.
ل ڕۆژا سێ شه‌مبوويێ 12/12/2023،سەرجەم گوندێن ناحیا خانكێ و ب ئامادەبوونا موختار و مجێور و ڕیهسپى و “زەردەشت شێخ شامۆ” ڕێڤەبەرێ ناحیا خانكێ،كۆمبوونەكا بەرفرەهـ ل هۆلا هەلكەفتان هاتە ئەنجامدان ل سەر بابەتێ ڕێكخستنا تازی و هەلكەفتان و ژ پێخەمەت بەرژەوەندیا خەلكێ ده‌ڤه‌رێ ب رازەمەندیا كەسانێن ئامادەبوویی ئەڤ خالێن ل خوارێ هاتن بەحسكرن و بریار ل سەر هاتە دان.
1_سەبارەت تازی یا ب تنێ رۆژا (3) ێ یا خێرا مری دێ خوارنا خێرا مری دێ هۆلا تازی و هەلكەفتان ئێتە چێكرن بۆ خەلكێ گوندی و مێڤانان .
2_ رۆژێن( ئێكێ و دووێ) ژ تازیێ نابت زاد ل هۆلا تازیێ بێتە چێكرن تنێ مالا مری دێ بۆ خوە زادی ل مال چێكەت و ئەگەر مێڤانەكی وان یێ بیانی ئامادە بوو و نابت خەلكێ گوندی بۆ دەمێ فراڤینێ ل وێدەرێ بمینن بۆ زاد خوارنێ.
3_سەبارەت رۆژا (7) یا تازی یا مری دێ ئەو رۆژ ئێتەكرن لێ ب رەنگەكی كێم تر ژ رۆژا خێرێ و نابت وێ رۆژێ خەلك بێتە داحوازكرن بۆ خێرێ و خەلك ئازادە بۆ چۆنێ یان نە چۆنا رۆژا ئاماژە پێدایی.
4_هەردیسان سەبارەت چۆنا ژنان بۆ سەر گۆرستانێ ل دەمێ تازی یا بریار هاتە دان رۆژا (هەفتێ ) ژ تازیێ هەرن سەر گۆرستانێ و پشتی ژ وێدەرێ دزڤرن ئێكسەر بزڤرن مالێن خوە و نە ڤەگەرن مالا مری .
5_ سەبارەت چێكرنا گۆڕێن مریان بریار هاتە دان مالا مری نابت ب هیچ رەنگەكی (بەنگەلە – خانی – قەرمیت ) لسەر گۆڕێن مریان بێنە دروستكرن و بۆ ڤێ مەسەلێ بریار ددەستێ مجێورێن زێوێ و مەزارێن دی دایە ل خانكێ و بێ وان ئەڤ كارە نەئێتە ئەنجامدان و عەرد گەلەك نەئێتەگرتن.
6_چل و سەرسالێن مری یان هێڤارا وان هیچ زادەك نێتە چێكرنە بتنێ زادەك بۆ فراڤینێ بۆ (چل وسەر سالێ ) بێتەچێكرن و مالا مری دێ (شێخ و پیر و مجێورێ گوندی ) و ز زەیێن خوە یێن شووكری داخواز بكەن دگەل جیرانێن خۆ و چەند ریهسپیێن گوندی بۆ وێ خێرێ و نابت خەلكێ گوندێن دی بێنە داخوازكرن و مجبور كرن بۆ رۆژێن چل و سەر سالێن مری یان .
7_ل دەمێ تازی یەك چێدبت و ل دەمێ ل گۆرستانێ ژ بۆ سەرەخۆشیێ ل مالا مری رێ ب خەلكێ بیانی بێتە دان و ژلایێ خەلكێ گوندی ڤە و نەچن دەستێ وان هە تا دزڤرن مال.
8_بۆ مەسەلا داوەتا و دەمێ تازیەك ل گوندی و مالباتەكێ بوكا وان یە خواستی بت، بریار هاتە دان پشتی( هەفتا مری ) دەستوورە بۆ خەلكێ گوندی و پشتی (چل ) رۆژیا مری دەستوورە بۆ مرۆڤێن مری داوەتا خوە بكەن .
9_ دەمێ كەسەك دچتە بەر رەحمەتێ ل دەرڤەی وەلات بریار هاتە دان جهێ مری لێ دئێتە گۆركرن تازی ل وی جهی بێتەكرن و ئەگەر ل دەرڤەی وەلات تازی هاتە كرن ل وەلات مالا مری خەلكێ ئیجبار ناكت بۆ ئامادەبوونێ یان پشكداری كرنێ د تازیێ دا تنێ مالا مری ل وەلات دێ زادەكی ب خێرا وی چێكەت بۆ گزندیێن خوە و ئەڤ چەندە ژی اختیاری یە بۆ چێكرنا( زادی ) و ئەگەر ل وەلات هات ڤەشارتن ل ئەلمانیا تنێ بۆ گوندیێن نێزكی باژێرێ وان و نابت ناڤ و نیشانێن هۆلا تازی یا بێنە بەلاڤكرن .
تُتاح هذه الصورة أيضا في: کوردی
