ساڵڤەگەرا نەهێ يا جینۆسایدا ئێزدیان ل دهۆكێ هاته ساخكرن
تۆرا لالش/دهۆك
ب چاڤدێریا حکومەتا هەرێما کوردستانێ و ل ژێر دوریشمێ “ئەم ئاشقێن رۆژێ ینە تاریا جینوسایدا مەنا بزدینە” ئەڤرۆ سپێدێ رۆژا پێنچشەمبى 3/تەباخێ /2023 ێ ل هولا کونفرانسان وب ئادەبونا بەرێز د.عەلى تەتەر پارێزگارێ دهۆکێ وبه‌رێز سه‌عيد جردۆ سه‌رۆكێ ده‌سته‌يا بلندا بنگه‌هێ لالش و ئه‌ندامێن ده‌سته‌يێ و چەند بەرپرسێن حزبى وئیدارى ولەشکرى وجڤاکى مەراسیمێن ساخکرنا نەهەمین جینۆسایدا ئێزدیان هاتنە گێران .
پارێزگارێ دهۆکێ دپەیڤەکێدا گوت: جینوسایدا ئێزدیان تاوانەکا گەلەک مەزن بوو و هەتا نوکە گەلەک وەلاتێن مەزن ل جیهانێ دان پێدان بڤێ تاوانا دژى مروڤایەتى کریە وخواست کو جڤاکێ دەولەتى و حکومەتا عیراقێ ب ئەرکێ خو رابن وئاشتى وئارامیێ ل دەڤەرا شنگالێ بەرقرکەن دا ببیتە هاندەرک کو ئاوارێن شنگالێ ب حەزا خو ڤەگەرنە سەر جهوراێن خو.
پارێزگارێ دهۆکێ ئاماژە دا هەولێن سەروک بارزانى وسەروکێ هەرێمێ وسەروکێ حکومەتا هەرێمێ بو رزگارکرنا رەڤاندیێن ئێزدیا وگوت : هەتا نوکە 3570 هاتینە رزگارکرن وهێشتا 2336رەڤاندى دبێ سەرشوینن وداخازکر کو ل سەر ئاستێ جڤاکێ دەولەتى وهەرێمى ژى پتر هەولدان بهێنە کرن کو هەموو رەڤاندى بهێنە رزگارکرن.
هەروەسا ئاماژە دا رولێ سەروک بارزانى وپێشمەرگێ کوردستانێ وقوربانیێن داین ل شەرێ دژى تیرورستێن داعش بو رزگارکرنا دەڤەرا شنگالێ .
پاش ( خاتوون خیتام ) پەیڤەک بناڤێ رزگابویان خاندوخواست کو رەوشا شنگالێ بهێتە ئاسایکرن دا ئاوارە ڤەگەرنە شنگالێ وسوپاسیا سەرکردایەتیا کوردستانى کر هەمبەر هەولێن وان بو رزگارکرنا کچ وژنێن رەڤاندى یێن ئێزدیان.
دبرگەکا تایبەت دا فلمەک ل دۆر جينۆسايدا ئێزديان كو ژ به‌رهه‌مێ بنگه‌هێ لالش بووهاتە نیشان دان هەروەسا خەلەف حالى چەند ستران ل دور جینوسایدێ پێشکێشکرن و ڤیدیویەک ل دور جینوسایدێ وتاوانێن داعش هاتە نیشادان و تیپا شاریا تابلویەکێ تایبەت ب ڤێ هەلکەفتا خەمناک نمایشکر.
تُتاح هذه الصورة أيضا في: کوردی
