ئایار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌سروور بارزانى: پشتى 9 سالان هێشتا ره‌وشا شنگالێ ژبه‌ر گرۆپێن نه‌قانوونى ئاسایى نه‌بوویه‌

مه‌سروور بارزانى: پشتى 9 سالان هێشتا ره‌وشا شنگالێ ژبه‌ر گرۆپێن نه‌قانوونى ئاسایى نه‌بوویه‌
گاڤ

سه‌رۆكێ حكومه‌تا هه‌رێما كوردستانێ راگه‌هاند، نه‌هـ سال ل سه‌ر كاره‌ساتا شنگالێ ده‌رباز بوون و هێشتا ره‌وشا شنگالێ ئاسایى نه‌بوویه‌ و ئه‌گه‌ر ژى خۆسه‌پاندنا میلیشیایان و گرۆپێن چه‌كدارێن نه‌قانوونى یه‌ و ژبه‌ر ڤێ ژى ئێزدى نه‌شێن ڤه‌گه‌ڕن.

سه‌رۆكێ حكومه‌تا هه‌رێما كوردستانێ، مه‌سروور بارزانى راگه‌هاند، نه‌هـ سالان به‌ریا نوكه‌ تیرۆرستێن داعشێ هێرشه‌كا درندانه‌ كره‌ سه‌ر شنگال و ره‌خودۆرێن وێ و بوو ئه‌گه‌ر ب هزاران ئاكنجیێن ده‌ڤه‌رێ ئاواره‌ و بێسه‌روشوون و كۆمكوژ ببن.

هه‌روه‌سا دیاركر، د ڤێ یادا خه‌مگین دا ب رێز ڤه‌ وی كۆمكوژیێ ل بیردئین و هه‌روه‌سا ب پێزانینێن مه‌زن یادا خۆراگرى و قاره‌مانى و قوربانیدانا هێزێن پێشمه‌رگه‌ى ب رێبه‌راتیا سه‌رۆك مه‌سعوود بارزانى دكه‌ین كوئه‌فسانه‌یا چه‌كدارێن تیرۆرستێن داعشێ تێكشاند و شنگال رزگار كر و داستانه‌كا دیرۆكى تۆمار كر.

هه‌روه‌سا ده‌ستخۆشى ل وان هه‌موو وه‌لاتان كر یێن تاوانێن تیرۆرستێن داعشێ ل دژى كوردین ئێزدى ب فه‌رمى ب جینۆساید ناساندین و هیڤى خواست كۆمه‌لگه‌ها نێڤده‌وله‌تى هه‌ڤكار بیت بۆ كێمكرنا ئێش و ئازارێن خوشك و برایێن ئێزدى.

هه‌روه‌سا دیاركر، ب لێبۆرین ڤه‌ پشتى بۆرینا نه‌هـ سالان ب سه‌ر كاره‌ساتا شنگالێ دا هێشتا ره‌وشا شنگالێ ژبه‌ر هه‌بوونا خۆسه‌پاندنا گرۆپێن میلیشیایان و گرۆپێن چه‌كدارێن نه‌قانوونى ئاسایى نه‌بوویه‌ و خوشك و برایێن ئێزدى نه‌شیاینه‌ ڤه‌گه‌ڕن بۆ جهێن خۆ و ناوچه‌یێن خۆ ئاڤه‌دان نه‌كرینه‌.

سه‌رۆكێ حكومه‌تا هه‌رێما كوردستانی دیاردكه‌ت، دڤێ یادێ دا پشته‌ڤانیا خۆ بۆ داخوازیێن ره‌وا یێن ئێزدیان دوپات دكه‌ت و پێدڤیه‌ دوماهى ب ره‌شا نه‌ئاسایى یا شنگالێ بهێت و هه‌وه‌رسا دوپاتى ل بجهئینانا رێككه‌فتنا شنگالێ و ده‌ركه‌فنا وان هێزێن نه‌قاوونى ل ناوچێ كر، بۆ وێ یه‌كێ ب هاریكاریا حكومه‌تا ئیراقێ و كۆمه‌لگه‌ها نێڤده‌وله‌تى ده‌ڤه‌ر بهێته‌ ئاڤه‌دانكرن و ده‌سهه‌لاتا ناوچێ ژى ڤه‌گه‌ڕیته‌ ده‌ستێ خه‌لكێ ره‌سه‌نێ شنگالێ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi