پارتی دیموكراتی كوردستان ل پێناڤێ مللەتی كەفتییە قادا خەبات و تێكوشینێ
مەهدی حەسەن موراد
هەر ل رۆژا پارتی دیموكراتی كوردستان هاتییە دامەزراندن ل (١٦)ی تەباخێ سالا (١٩٤٦)ێ لسەر دەستێ بابێ روحی و نەتەوەیی یێ كورد(مەلا مستەفا بارزانی)بۆ دوو ئارمانجا بوویە،ئەوژی بۆ رزگاركرنا كوردستانێ ل ژێر دەستێ داگیركەرا و ئازادكرنا مرۆڤێ كورد بوویە ،بۆ ب دەستڤە ئینانا ڤان هەر دوو ئارمانجا مرۆڤێن ژیر و باوەری پێكەر و خەباتەكا بەردەوام و قوربانیدان ب سەر و مالی و بیر و باوەرێن موكم ب كوردایەتیێ دڤێن،خۆ بدەن پێش و ڤی بارێ گران هلگرن،ژبەركو گەلێ كوردستانێ دگەلەك قۆناغێن سەخت و دژوار دا دەرباس بووینە و گەلەك سەرفەرازی و نشیڤی دیتینە،هێدی باوەری ب چوو شۆرەش و سەرهلدان و كۆمەل و رێكخراوێن سیاسی نەمابوو، جارەكا دی بزاڤەك بێنە گێران و مافەكی ب دەستخۆڤە بینن ، هندی هند شكەستن و دەردەسەری گەلێ كوردستانێ ژ دەستێ نەیار و دوژمنا دیتبوون تایبەت ل چەرخێ بۆری،نەخاسمە زنجیرەكا شۆرەشێن كوردی ئێك ل دووڤ ئێكێ هاتبوونە ژناڤبرن و خەلكەكی شۆرەشگێر ببوون قوربانی و ئەنجام نەبوون.
لێ دەمێ پارتی دیموكراتی كوردستان هاتییە دامەزراندن ژ مللەتی هاتە دروستكرن،ل پێناڤێ مللەتی كەتە قادا خەباتێ وتێكوشینێ ئێك رێزیا ناڤ مالیا كوردستانێ دروستكر ژ خانقین هەتا زاخۆ ب سەرۆكاتی یا بارزانیێ نەمر، جارەكا دی باوەری بۆ مللەتی هاتە دروست كرن و گەلێ كوردستانێ ب هەموو پێكهاتێن خۆ ڤە یێن ئۆلی و نەتەوەیی گەهشتنە ناڤ رێزێن پارتی و هاتە بەر بەلاڤكرن و ناسێن ب پارتا كوردایەتیێ ل سەرانسەری كوردستانێ و ژ هەر چار پارچێن كوردستانێ گەهشتن ناڤ رێزێن پارتی و كەتن خەباتێ ل پێ ناڤێ (یان كوردستان یان نەمان ) و ل شۆرەشا ئەیلولا مەزن بۆ جارا ئێكێ داگیركەرێن كوردستانێ ب فەرمی حكومەتا عێراقێ دانپێدان ب مافێ گەلێ كوردستانێ كرن ،وەك نەتەوەكا جودا ل عێراقێ و بەیانا ١١ ئادارێ هاتە ئیمزا كرن دیموكراتیەت بۆ عێراقێ و ئوتونومی بۆ كوردستانێ،كەد و خەباتا پارتی هەر ل دەست پێكێ لسەر بنەمایەكی شۆرەشگێری ونەتەوەیی ومفا وەرگرتن ژ شۆرەشێن كوردی و شۆرەشێن بنەمالا بارزان هاتبوویە دروستكرن و پارتیا هەموو پێكهاتێن كوردستانێ و تەخ و چینێن كوردستانێ بوویە ،وهەر كەسەكی نشتیمان پەروەر جیێ خۆ دناڤ دا دیت و كەفتنە قادا خەبات و تێكۆشینێ وبەرسنگێ رژێم و دەسهەلاتێن حكومەتا عێراقێ ئێك ل دووڤ ئێكێ گرتن و كارن هەر سەر دەمەكی ب شێوەیەكی داخوازا مافێ چارەنڤیسێ گەلێ كوردستانێ بكن.
ل هیچ دەمەكی پارتی دیموكراتی كوردستان دەستبەرداری ئاخا كوردستانێ نەبوویە بەلكی شێوێ ئیداری دگەل حكومەتا عێراقێ ژ ئۆتونومی بۆ فیدرالی و كونفدرالی و سەربەخۆیێ هاتیە گهۆرین ،بەلێ هەر ئەردێ كوردستانێ هەموو داخواز كریە و تەنازلا ژ بۆستەكا ئاخا وەلاتی نەكریە و ناكت،ژبەركو رۆژا هاتی دامەزراندن بۆ رزگاركرنا كوردستانێ و ئاخا كوردستانێ بوویە پارتی ئەڤە (٧١) سالە تەنازل ژ ئارمانجەكا خۆ نەكریە ،ئەگەر توو تەماشەیی دانوستاندنێن لسەر دەمێ عبدئەلكریم و عبد ئەلسلام و عبد ئەلرەحمان و بەیانا (١١) ئادارێ بكەی هەمان داخوازێن دانوستاندنێن سالا ١٩٩١ێ دگەل سەدام حسێن و ئەگەر توو بەرێ خۆ ب دەیە داخوازیێن مە دگەل حكومەتا بەغدا پشتی ئازادیا عێراقێ هەر ئەو داخوازینە و چوونا شاندێ مە بۆ بەغدا سبەی ژی هەمان داخوازینە،ئەڤ داخوازی ژی ڤەگەراندنا ئاخا كوردستانێ یا داگیركری بۆ نمونە( شنگال و كەركوك و دەڤەرێن ڤەقەتیایی) ل كوردستانێ شەرێ مە پارتی دگەل مەلكی عبد ئەلكریم قاسم و عبد ئەلسلام و عبد ئەلرەحمان و ئەحمەد حەسەن بەكر و سەدام حسێن و مالكی هەر ئەڤ ئەردێ ڤەقەتیایە ،نهۆ ژی ئەگەر ئەردێ كوردستانێ دەست درێژی بێتە كرن ئەم ئامادەین وەك پارتی دیموكراتی كوردستان ب سەرۆكاتیا مەسعود بارزانی شەرەكی دی بكەین.
هەر بۆ زانین پشتی ڤان شەرا و هندە سالا ئەڤ دەرەدەسەری و قوربانی و مال وێرانی بسەرێ مە هاتین ،بەلێ ئەڤ رژێمێن گۆربەگۆر هەر چ چەك و تۆپ وتانك و فرۆكە هەین ئیناینە سەر گەلێ مە و هاتینە كیمیا بارانكرن و ئەنفال كرن و تەعریب كرن،پارتی هەر رژدە لسەر ئارمانجێن كوردایەتیێ سەرەرای بەرسنگگرتنێن هەر چار دەولەتێن داگیركەر و دیڤەلانكێن دوژمنا ،پارتی هەر ما خودانێ پرۆژێ دەولەتبوونێ و رزگاركرنا كوردستانێ وئازادكرنا مرۆڤێ كورد ل (٢٠١٧/١٠/٢٥) دێ مزگینیێ دەین مللەتی لسەر دەستێ بارزانی و پارتی دێ دەولەتا كوردستانێ ئێت دروستكرن.
تُتاح هذه الصورة أيضا في: کوردی
