تۆرا لالش
ل رێكه‌فتی 16/10/2025ێ، ل ژێر سه‌رپه‌رشتی و پشته‌ڤانیا نڤیسینگه‌ها لالش ته‌لقه‌صه‌ب به‌ریكانه‌كا زانستی ل كه‌مپا ئێسیا هاته ئه‌نجامدان.
به‌ری به‌ریكانه ده‌ستپێبكه‌ت ئاماده‌بووی خۆله‌كێ بۆ گیانێ پاكێ شه‌هیدان و سه‌روه‌رێ وان بارزانیێ نه‌مر و كاك ئه‌دریسێ هه‌رده‌م ساخ سه‌كنین و دووڤدا د ته‌وه‌ره‌كی دا به‌حس ل هه‌لبژارتنێن په‌رله‌مانێ عیراقێ هاته كرن و داخواز هاته كرن كوردێن ئێزدی پشكداریه‌كا كارا د هه‌لبژارتنان دا بكه‌ن داكو نونه‌رێن خوه ل په‌رله‌مانی هه‌بن و به‌ره‌ڤانیێ ژ ئێزدیان و مافێن وان بكه‌ن و هه‌موویان پشته‌ڤانیا خوه بۆ لیستا 275 یا پارتی و بارزانی و كاندیدێن پارتی دانه دیاركرن.
دووڤدا به‌ریكانا زانستی ب پشكداریا شه‌ش گرۆپان ده‌ستپێكر و ئه‌ندامێن هه‌موو گرۆپان پێكهاتبوون ژ قوتابیێن قوتاغێن بنه‌ره‌تی و ئاماده‌بووی و و به‌رده‌وام پرسیارێن زانستی و كۆمه‌لایه‌تی و ئاینی و وه‌رزشی و گشتی و هونه‌ری ئارسته‌ی وان دهاتنه كرن و ل داویێ گرۆپێ پۆلا (نه‌هێ بنه‌ره‌تی – أ) پلا ئێكێ و هه‌روه‌سان گرۆپێ پۆلا نه‌هێ (بنه‌ره‌ت – ج) پلا دووێ ب ده‌ستخۆڤه ئینا و گرۆپێن سه‌ركه‌فتی هاتنه خه‌لاتكرن و چه‌نته‌یێن كارگێری ب سه‌ر هه‌موو ئه‌ندامێن هه‌موو گرۆپان هاتنه دابه‌شكرن.
هه‌روه‌سان پشكداران رێز و سوپاسیێن خۆ ئارسته‌ی نڤیسینگه‌ها لالش یا ته‌لقه‌صه‌ب ژبه‌ر ئه‌نجامدانا ڤێ به‌ریكانا ره‌وشه‌نبیری و بلندكرنا ئاستێ زانستی و ڕه‌وشه‌نبیری دناڤ ئاواران دا.
تُتاح هذه الصورة أيضا في: کوردی
