تۆرا لالش
ل پتریا گوند و کۆمەلگەهـێن شنگالێ و بگرە هه‌تا سەنتەرێ وێ قەزایێ ژی کێمیا ئاڤێ سه‌رهلدایه و رۆژانە خەلک تانكێ ئاڤێ ب به‌هایێ ١٠ هەزار دیناران دکڕن و رۆژ بۆ رۆژ ئه‌ڤ ئاریشه مەزنتر دبت تایبەت ل سەنتەرێ قەزایێ و ل گۆڕی ژێدەرەکی تایبەت یێ كه‌نالێ سەما کێشە ب ڤی ئاوایی یە:
ل رۆژهەلاتێ شنگالێ ٤ بیر هەبوون لێ دنهوە دە تنێ ٢ ژ وان ماینە و یێت دی چکیاینە ئەوێت ماین ژی تنێ ب قاسی ٢ ئینج ئاڤێ دئینن.
ل تاخێت قادسیە و نەورۆز هەر یەکێ ژی ٢ بیرن و ئاڤا وان ژی گەلەک كێم بوویه.
ئاریشە مەزنتر د بیرێن گۆلا سۆرکان دایە کو ل گۆری رێڤەبەریا ئاڤا شنگالێ ٧٠% ژ خەلکێ شنگالێ ل سەر وانە کو وێستگەها سەرەکی یە، به‌لێ ژ ئەنجامێ ٥ بیران ٤ ژی چکیاینە.
ل تاخێ نەسر ژمارەیه‌کا مالا کێشە ئاڤێ هەیە و رێڤەبەریا ئاڤێ سۆزا چارەسەرکرنێ دایە ژبەر کو ٤ بیر لێ هەنە و هەموو ژی کار دکەن.
ل هەردوو تاخێت ئازادی و وێران شار کێشەیا وان گه‌له‌ك یا مه‌زنه چنكو تنێ ٢ بیر هەینە و ئەو ژی کارناکەن ژبه‌ركو وەختێ رێكخراوا تیرۆرستی یا داعش ئه‌و دەڤەر داگیركری زیانێن مه‌زن گه‌هشتنێ، د نۆكه‌دا هه‌ر چەندە ڕەزامەندی ژی لسەر هاتیە دان کو ب کوژمێ ٦٢٩ ملیۆن هاتینە تەرخانکرن لێ ب حیجەتا تەملیک کرنا ئەردێ وان بیرا پڕۆژە هیش نەهاتینە دەستپێکرن کو بخوە ژ کەڤن دە ئەڤ پرۆژە هەبوو.
تُتاح هذه الصورة أيضا في: کوردی
