تۆرا لالش
ئێڤارييا ئيرۆ پێنج شه‌مبوويێ رێككه‌فتی 12-6-2025ێ، بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ، دانوستاندنه‌كا ڤه‌كرى ل دۆر شێخ حه‌سه‌ن و رۆلێ وی دناڤ ئێزدیاتیێ دا بۆ نڤيسه‌ر شه‌مۆ قاسم دنانی رێكخست.
ل ده‌ستپێكێ سه‌رۆكێ بنگه‌هێ لالش سه‌عید جردۆ ب خێرهاتنا مێهڤانان كر و دیاركرن ژ ئه‌گه‌رێن مژوولی یا مه وه‌كو بنگه‌هێ لالش ب هنده‌ك كارێن دیتر ڤه پێنچ شه‌مبا ڕه‌وشه‌نبیری سه‌كنی بوو و به‌حسێ گرنگیا پێنج شه‌مبێن ره‌وشه‌نبیری ل بنگه‌هێ لالش ل دهۆكێ كر.
دووڤدا د.سه‌عید خودێدا جێگرێ سه‌رۆكێ ده‌سته‌يا بلندا بنگه‌هێ لالش پبه‌حسێ ڕۆلێ مامۆستا شه‌مۆ قاسم دنانی دناڤ بیاڤێن زانستی و ره‌وشه‌نبیری دا كر،هه‌روه‌سان دیاركر هه‌ر پێنج شه‌مبوو ئه‌ڤ روونشتنه دێ د به‌رده‌وام بن.
دووڤدا ئاماده‌بوویی ده‌قیقه‌یه‌كێ بۆ گیانێ پاكێ شه‌هیدێن كوردستانێ و سه‌ركاروانێ وان بارزانیێ نه‌مر و كاك ئه‌دریسێ هه‌رده‌م ساخ سه‌كنین.
ل پێرا نڤيسه‌ر و مامۆستا شه‌مۆ قاسم دنانی، ل سه‌دێ دوازدێ گه‌له‌ك میرگه‌هـ ل كوردستانێ هاتنه ئاڤاكرن و هه‌ر میرگه‌هه‌كێ كاروبارێن خوه ب رێڤه‌دبرن و میرگه‌ها ئادیان یا ئێزدیان ئێك ژ وان بوو، ناڤهاتی به‌حسێ شێح حه‌سه‌ن كر و ڕۆلێ وی ل سه‌رده‌مێ میرگه‌ها ئادیان بلند نرخاند و دیاركر ل سه‌رده‌مێ شێخ حه‌سه‌ن ڕۆله‌كێ كاریگه‌ر د نووژه‌نكرن و زندی كرنا بیروباوه‌رێن ئێزدیاتیێ دا گێرایه، و ناڤهاتی ل مووسلێ خواندیه و گه‌له‌ك حه‌ز ژ خواندنێ و نڤیسنێ دكر.
پاشان ده‌رگه‌هێ گه‌نگه‌شێ دناڤبه‌را ئاماده‌بوويان دا هاته ڤه‌كرن و تێدا چه‌ند پرسيار ئاراسته‌ى نڤيسه‌ری هاتنه كرن و هه‌موو پرسیار و بۆچۆن هاتنه به‌رسڤدان.
ژبۆ پتر پێشڤه‌برنا بزاڤا هزرى و ره‌وشه‌نبيرى، ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ ل هه‌موو ڕۆژێن پێنج شه‌مبا مژاره‌كا گرنگ ل دۆر بابه‌ته‌كى رێكدئێخت و تێدا دانوستاندان ل سه‌ر دئێته كرن، و بۆچۆن و ڕاسپارده و پێشنيارێن كه‌سايه‌تى و ره‌وشه‌نبيران ل به‌رچاڤ دئێنه وه‌رگرتن دئێنه بلندكرن.
تُتاح هذه الصورة أيضا في: کوردی
