بنگه‌هێ لالش كۆربه‌نده‌ك ل دۆر جينۆسايدا ئێزديان ئه‌نجامدا
تۆرا لالش
ئێڤاريا پێنج شه‌مبوويا ئيڕۆ 14-8-2025، بنگه‌هێ لالش ل دهۆكێ كۆربه‌نده‌كێ هزرى و ياسايى ل دۆر( جينۆسايدا ئێزديان دچارچووڤێ ياسايێ ده) بۆ د.كورمانج عثمان، شاره‌زا ل بوارێ جينۆسايدا و ڕاوێژكارێ وه‌زاره‌تا داد يا حكومه‌تا هه‌رێما كوردستانێ سازكر.
ب ئاماده‌بوونا هه‌ژماره‌كا كه‌سايه‌تى و ڕه‌وشه‌نبير و چالاكڤانێن ئێزديان، كۆربه‌ندى ب خۆله‌كا ڕێزگرتنێ ل سه‌ر گيانێ جانگۆريێن كوردستانێ و سه‌روه‌رێ وان بارزانيێ نه‌مر و ئدريسێ هه‌رده‌م ساخ ده‌ستپێكر.
ل پێشيێ شه‌مالك ل سه‌ر گيانێ جانگۆريێن هه‌ردوو كۆمكوژيێن ناحيا گرعزێر و گوندێ كۆچۆ ژلايێ ئاماده‌بوويان ڤه هاتنه هلكرن.
پاشان د.كورمانج عثمان، شاره‌زا ل بوارێ جينۆسايدا و ڕاوێژكارێ وه‌زاره‌تا داد يا حكومه‌تا هه‌رێما كوردستانێ تيشك خسته سه‌ر كه‌يسا جينۆسايدا ئێزديان و دياركر، دنوكه دا فوكسا جڤاكێ نێڤده‌وڵه‌تى ل سىه‌ر كه‌يسا جينۆسايدا ئێزديان كێمبوويه،ژبه‌ر شه‌ڕێن ل چه‌ند ده‌ڤه‌ران په‌يدابووين.
شاره‌زايێ بوارێ جينۆسايدێ دياركر، چ به‌ڵگه‌يه‌كا جينۆسايدێ گرنگييا خۆ نامينت ئه‌گه‌ر نه‌ئێته ڤه‌گوهاستن بۆ زمانه‌كێ ديتر.
ئاماژه ب وێ چه‌ندێ دا، ئه‌وا بسه‌رێ ئێزديان دا هاتى ل سه‌ر ده‌ستێ تيرۆرستێن داعشێ ب هه‌موو پيڤه‌ران جينۆسايده و ژ تيرۆرێ ژى مه‌ىزنتره.
ده‌رباره‌ى ئه‌گه‌رێن نه ناساندنا جينۆسايێ ژلايێ عێراقێ ڤه، دبێژت: حكومه‌تا عێراقێ گه‌له‌ك يا كێمته‌رخه‌مه بۆ ناساندنا كه‌يسا ئێزديان و ئه‌ركێ وێيه دانپێدانێ بكه‌ت.
لدووڤدا، گه‌نگه‌شه دناڤبه‌را ئاماده‌بوويان دا په‌يدابوو، پشتى ئاراسته‌كرنا پرسياران، بيروبۆچۆن هاتنه به‌رسڤدان.
تُتاح هذه الصورة أيضا في: کوردی
