ئاوارەبوون ب هەموو رەنگان
خالد ئەحمەد بادی
پشكا (4)
مزگەفت و دێروكەنیسە وپەرستگەه وجیێن عیبادەتێ یێن ئێزدی وكریستیان ومەسیحی وئەرمەن وموسلمانان سۆتن و هەرفاندن و ب سەدان كانی هشك كرن و ب هەزارەها چەم وبیستان پووچ كرن و ژناڤبرن و ب هەزارەها سەرێن پەزو چێلا كوشتن وتالانكرن وب هەزارەها دونەم وهكتارێن دارستانێن كوردستانا جوان وقەشەنگ سۆتن وژناڤبرن و ب هەزارەها جۆرێن بالندە وگیاندارێن دی یێن كوردستانێ،كو رەوشەكا جوان ڤان بلبل وكەو وبالندێن دی وپەز كوڤی وهەموو جۆرێن دی یێن گیانداران سۆتن وژناڤبرن و ب هەزارەها خەلكێ بێ گونەه وسڤیل وسادە كوشتن وگرتن وزیندانكرن وب سەدان هەزار دونەمێن ئەردێ چیایی ودارستانان هاتنە شەوتاندن وژناڤبرن،چەند بنڤێسین ئەو زولم وستەما هولاكو وهیتلەرێ بەغدایێ بسەر مللەتێ كورد سەپاندی هەر بداوی نائێت وەسا دیمەن دهاتنە پێش چاڤ وهزر دهاتنە كرن كو ئەڤ سوپایێ رژێما گۆربەگۆرا بەعسی یان یێ هێرشێ دكەنە سەر مللەتێن كافرو دوژمن وبیانی یا،خەلكێ بێ گونەه وسادە وسڤیل چ رێیێن شەر و بەرگریێ نەمان،چنكو بریارا رژێمێ نەمان ونەهێلانا مللەتێ كورد بوو ونكارین بەرسینگێ ڤان هێزێن زەبەلاح بگرن و ب بریارا سەركردایەتیا كوردی هەموو خەلكێ ئاكنجیێن دەڤەرێن ئازاد كری ژ موسلمان وئێزدی ومەسیحی وشیعی وسنی وهەموو ئۆل ونەتەوە مینا تركمان و مەسیحی وئاشوری بەرەف سنوورێن ئیرانێ و توركیا ڤە كەفتنە رێ ولبن هێرشێن تۆپ وفڕۆكا وچەكێ كیمیاوی یێ قەدەغەكری ل سەرانسەری جیهانێ بتریا خەلكێ گەهشتنە سەر سنوورێن دەولەتێن دۆرماندۆر یێن دی ژی نكارین خۆ قورتال بكن و كەفتنە ددەستێن زرتەك وزەبانیێن رژێما بەعسا ژناڤچۆیی و لدوڤ حەزێن خۆ ژناڤبرن وڤاڤارتن دگەل مللەتێ كورد هاتنە كرن و ئەڤێن كارین خۆ قورتال بكن بەرەف سنوورێن ئیران وتوركیا ڤە چۆن و ل كەمپێن ئاوارەیی دژیانەكا سەخت ودژوار دا دژیان كو سادەترین پێتڤیێن ژیانێ بۆ وان ئاوارەیان نەدهاتنە دابینكرن و هەروەسا دبێ بەهربوون ژ كێمترین مافێن هاوەلاتینیێ لناڤ كەمپێن ئاوارەیێ دا،ب راستی ئەڤ كارەسات وهێرشێن دژی مللەتێ كورد هاتینە ئەنجام دان چارەنڤیسەكێ بەرزە و نەدیار بۆ خەلكێ مە پەیدا بوو و نەزانی دێ چ ب سەرێ وان ئێت و بەرەف ئایندەكی نە دیارو بەرزە و بێ سەروشوون ڤە دچۆن،و چ جاران ئەڤ دیمەنێن پری كارەسات ونەخۆشی ودەردەسەری نائێنە ژبیركرن وهەردەم مینا كەڤالەكی نەخشاندی ب جینۆساید وئەنفال وگرتن و زیندان و سۆتن وعەرەبكرن وچەكێ كیمیاوی وكارەسات وقركرن ونەعەدالەتێ وجیاوازیێ و خۆڤە رزكرنێ لپَش چاڤێن مللەتێ كورد بوو، ئەڤ زولم و ستەما دوژمنان ئەنجام دای دژی مللەتێ كورد چ سیستەم و یاسا وئایین وپەرتۆكێن ئاسمانی رێ نادەن كارێن هۆڤانە بێنە ئەنجام دان دژی مرۆڤان و مرۆڤایەتیێ،پێتڤی یە هەردەم روودانێن ب سەرێ مللەتێ كورد هاتین نەئێنە ژبیركرن.
تُتاح هذه الصورة أيضا في: کوردی
