گرنگیا سەرەدانا سەرۆك بارزانی بۆ بەغدا بلەز دیاربوو 
خالدخدر
پشتی بۆرینا بتری ژ سالەكێ لسەر ئەنجام دانا راپرسییا سەربەخۆبوونا هەرێما كوردستانێ ل (25/9/2017)ێ و هێرشا لەشكەر وچەكدارێن حەشدا شەعبی لسەر هەرێما كوردستانێ و بەرگریا قارەمانەیا هێزێن پێشمەرگەیێ كوردستانێ ژ ئاخا كوردستانێ و ب تایبەتی ل هەفتیا بەرگریێ ژ سەروەریا كوردستانێ و ب تایبەتی ل (پردێ و مەحموودیێ و عێن عوێز )،ل رۆژا (22/11/2018)ێ سەرۆك مەسعوود بارزانی ب سەرەدانەكێ گەهشتە بەغدایا پایتەختا عێراقێ دچارچۆڤێ سەرەدانا خۆدا سەرۆك بارزانی دگەل مەزنە بەرپرس و سەركردەیێن عێراقێ كۆمبوو ژوان (د.عادل عبدولمەهدی ) سەرۆك وەزیرێ نوو و (د.حەیدەر عەبادی ) سەرۆك وەزیرێ بەرێ و (نوری ئەلمالكی) سەرۆكێ هەڤپەیمانیا دەولەتا یاسا و (مەحەمەد حەلبوسی) سەرۆكێ پەرلەمانی یێ نوو و (سەلیم جبوری ) سەرۆكێ پەرلەمانی یێ بەرێ و دگەل (ئەرشەد سالحی) سەرۆكێ بەرەیا توركمانی كۆمبوو و (عەمار حەكیم ) سەرۆكێ رەوتا حیكمە و( هادی عامری ) سەرۆكێ لیستا فەتح ، پاشی سەرۆك بارزانی سەرەدانا باژێرێ نەجەفێ كر و دگەل سەرۆكێ هەڤپەیمانیا سائیرۆن كۆمبوو،بتریا ڤان سەركردان داخواز ژ سەرۆك بارزانی كریە دەستپێشخەرییەكێ بكت ژبۆ چارەسەركرنا ئاریشێن عێراقێ و پرسێن ناكۆكیێ دناڤبەرا بەغدا و هەرێمێ دا ،گرنگترین پرسێن هاتینە باسكرن دڤێ سەرەدانێ دا:1-راكرنا گومركان دناڤبەرا هەرێمێ وبەغدا دا ، 2- پرسا پێشمەرگەی، 3- پشكا هەرێمێ ژ بودجا عێراقێ یا گشتی 4-بادەكا نەفتێ5 -دەڤەرێن دەرڤەی ئیدارا هەرێمێ (مادێ 140) و هندەك پرسێن دی وەك دروستكرنا حكومەتا نوو یا عێراقێ،گرنگیا سەرەدانا سەرۆك بارزانی بۆ بەغدا بلەز دیاربوو كو دەنگڤەدانەكا مەزن بخۆڤەگرت ب تایبەتی كو ژئالیێ بەرپرسێن عێراقێ ڤە ب گەرمی پێشوازی لێ هاتە كرن و ئاژانس و ناڤەندێن میدیا نافخۆیێ و ناوچێ وهەتا یا نێڤ نەتەوەی ژی گرنگیەكا مەزن دانە ڤێ سەرەدانا سەرۆك بارزانی بۆ بەغدا و ب سەرۆك بارزانی هاتە بناڤ كرن لسەر زارێ گەلەك میدیاكارا ب تایبەت یێن عێراقێ ،وهەموو ئالیان داكۆكی لسەر هەڤ نێزیكبوونێ و هەماهەنگیێ دناڤبەرا هەر دوو ئالیان دا كرن و هەموو دگەشبین بوون بڤێ سەرەدانێ ،دەرئەنجامێن ڤێ سەرەدانێ دوپات بوو كو سەرۆك بارزانی تاكە لێڤەگەرێ سیاسی ونەتەوەی یە ل هەرێما كوردستانێ و خودان پێگەهەكی گرنگە نەك لسەر ئاستێ هەرێمێ بەلكو لسەر ئاستێ عێراقێ و ناوچێ ودەلیڤا ئاسایكرنا پەیوەندیێن هەرێمێ وبەغدا خۆشتر لێكر پشتی سالەكا دابرینێ ،ژئالیەكی دی ڤە هەردوو وەلاتێن خودان هەژموون لسەر عێراقێ ئەمریكا و ئیران خۆشحالیا خۆ دەربرین بڤێ سەرەدانا هەنێ و ل پێ شیكارێن شرۆڤەكارێن سیاسی و میدیاكارا دەرئەنجامێن ڤێ سەرەدانێ د ئەرێنی بوون وب سەرەدانەكا سەركەفتی و جۆری هاتە ل قەلەمدان كو دێ قۆناغەكا نوو دەستپێكەتن لسەر ئاستێ پەیوەندیێن هەرێمێ وبەغدا كوعێراق ل هەمبەر ئەزموونەكا تووندە كو عێراقێ پێویستی ب هەرێما كوردستانێ هەیە و دهەمان دەم دا هەرێمێ ژی پێویستی ب عێراقێ هەیە،هۆسا تێتە دیاركرن كوردان نیاز هەیە بهێز پشتەڤانیێ ل حكومەتا نوو یا عێراقێ بكن ب سەرۆكاتیا عادل عبدوئەلمەهدی و ئەڤ چەندە هاتە گۆتن لسەر زارێ سەرۆك بارزانی ل بەغدا، تێتە زانین كورد دگەشبینن بڤێ حكومەتا ناڤهاتی كو بەریا نهۆ سەرۆكێ حكومەتێ پشتەڤانی ل مافێت كوردان كریە و دۆستێ كوردایە ب تایبەتی نێزیكی كەسایەتی سەرۆك بارزانی یە،بكورت وكورمانجی سەرەدانەكا باش بوو دبەرژەوەندا هەموو ئالیان دایە و دێ رەنگڤەدانەكا ئەرێنی ل پێ خۆ ئینت بۆ عێراقێ و هەرێمێ.
تُتاح هذه الصورة أيضا في: کوردی
