هاڤینا ب عەگال ودشداشە
خالد ئەحمەد بادی 
دناخێ هەر كەسەكی دا بتنێ حەز بۆ وەلات وخاك وجل وبەرگێن خۆ هەیە وگرێدانەكا ئیلاهی لناڤبەرا وەلات وخاك وكەسان دا هەیە وغەریزەكا خودایی ئەڤ حەزە لجەم مرۆڤان پەیدا كریە،لەوما هەر كەسەك ومللەتەك گرێدایی زمان وكەلتور وجل وبەرگێن خۆ وخاك و وەلاتێ خۆ هەیە.
مللەتێ كورد ل كوردستانێ گرێدانەكا خورستی ب جل وبەرگێن خۆ هەیە،هەردیسا ب كوردستانا شیرین هەیە وهەر مللەتەك ب جل وبەرگ وزمانێ خۆ دئێتە نیاسین وكوردستان ژی ب جل وبەرگێن خۆ دئێتە نیاسین بۆ چەندین جاران ڤان جل وبەرگان كوردستان دایە نیاسین ڤە وناڤێ كوردستانێ ژ وەندابوونێ قورتال كریە،چنكو رامانا ناڤێ كوردستانێ كو مللەتێ كوردان وكورد ژ ئێزدی وموسلمان ومەسیحی یان ب جل وبەرگێن خۆ یێن تایبەت دئێتە نیاسین،یا ئاشكەرایە كو مللەتێ كورد ب درێژاهیا دیرۆكێ بووینە قوربانی پاراستنا جل و بەرگێن خۆ یێن شرین وب دەهان شۆرەش وبەرخودان وبەرسینگگرتنا دوژمنان ئەنجام داینە ودوژمنان ب زۆری وستەم وخورتی دشداشە وعەگال وشەوقە وعەمامە كرینە بەركوردان،لێ پشتی بەرخودان وقوربانیدان وسەرهلدان وشۆرەشان رەوشەكا دی پەیدا بوویە وهەر كەسەك ئازادە چ جۆرێ جلكی بكەتە بەر خۆ و ب تایبەت هەر ئێك جلكێن خۆ یێن تایبەت بكت بەرخۆ ومفایێن جل وبەرگێن كوردی چەندن ژتالیێ ساخلەمیێ ڤە،نهۆ و پشتی ڤان هەموو قوربانیدانە ئەم یێ دبینین دووبارە كارتێكرنا دوژمنان وئەو سیاسەتا وان یا شاش ودوژمنكارانە دگەل مللەتێ كورد ئەو كارتێكرن یا نوو دبتە ڤە وب دەهان كوردان دبینن ل هەموو باژێرو باژێركێن كوردستانا شرین ب شانازی ڤە یێ دشداشە وعەگال وجلكێن مللەتێن دی دكەنە بەرخۆ و ب تایبەت ل وەرزێ هاڤینێ ونهۆ ژی چ كورد ل خارویێ عێراقا فیدرال نەوێرن جلكێن كوردی بكەنە بەرخۆ.
زور فەرە رەئیەكا ب كوم پەیدا ببت وڤان جلكان نەكن بەرخۆ وهەر كەسەك خۆ ژڤێ دیاردا ترسناك ونەشرین دوور بكت،چنكو هەستەكا نە یا ئارام ویا دل ئێش لجەم مللەتێ كورد پەیدا دبت وبلا ئەم وەكو مللەتێ كورد كەلتۆر ورەوشت وتیتالێن باب وباپیرێن خۆ ب پارێزین وبەرەف پێشڤە ببەن وئەو شەهید وقوربانیدان وزیندانی وئەنفال وئاوارەیی بلا لبیرا مە بن وخۆ دوور بكەین ل چاڤلێكرنا مللەت وەلاتێن بیانی وهزرەكا نەتەوەیی كوردایەتی یا خورستی بۆ مللەتێ خۆ پەیدا بكەین داكو نفشێن كوردان یێن داهاتی مفای ژێ ببینن.
تُتاح هذه الصورة أيضا في: کوردی
