ژ كەلەپۆرێ باب وكالا_پشكا هه‌فتێ
ئلیاس نەعمو خەتاری
پشكا هەفتێ
كارێن دەستی لسەر دەمێ باب وكالا رامانا برێڤەبرنا ژیانا وی سەردەمی بۆ مە ددەتە خویاكرن ودێ ب رێیا وان كارا ئەو ژیان ببتە وێنە ڤیدیوەك لبەر چاڤێن مە،دیسان دێ بینن دەمێ مرۆڤ دچتە مۆزەخانەكێ چەند كەفیا مرۆڤی دئێت وهندەك هزر وبیرێن دوور و درێژ لجەم مرۆڤی پەیدادبن،وەكی هەموو جاران مەگۆتی ژیانا بەرێ ب سروشتی ڤە یە گرێدای بوو وخودانكرنا گیانەوەران لەوما كارێن دەستی جیێ خۆ دناڤ خەلكێ دا د دیت ئەوژی ژبۆ دابینكرنا پێتڤیێن ناڤ مالێ وخوارن وڤەخوارنێ و بۆ جوانیێ ژی گەلەك كارێن دهاتنا بكارئینان نەخاسمە ئەو تشتێن لسەر پارچە قوماشی و ژ هەریێ و مویێ و ب سیخك و دەرزی ودەزی وبەنكی دهاتنە چێكرن ل وی دەمی وێنێن سەر دیوارا نەبوون دێ هاتبانە پارچەكا قوماشی ئینابە و ب جۆرین نەقشی و ئەتەمینی ودروتنێ و ب هەموو رەنگان ( شەمیران ) چێدكرن ناڤێ شامیران لدووڤ ژێدەرێن مێژوویی ژ شاها شاهینشینا نەینەوا هاتیە پشتی ب پێنووسێ رصاصی یان ب هەر تشتەكی دیتبا دێ چێكربان ژلایێ كەسەكی پچەكێ ژ نیگار و نیگاركیشێ فامدكر پاشی دێ ب هەموو رەنگان رەنگ كربان،شەمیران وێنەكی هزری بوو ئانكو خەیالی بوو سەرێ وێ ئێ ئافرەتێ بوو ب كەلەك بییا بوو كلكا وێ ماربوو ولەوا ئەڤە بەهرا پتر كارێ كچكا وژنكا بوو و كێم و زێدەی دڤی وێنەی دا دكر لدەمێ نیگاركێش دكر،هەر دیسان كنچێن سەر دیوارا بێ بەهر نەدبوون ژ نیگارێن دارا وگولا وجەركا ب رەنگ ونەقشێن هەما رەنگ ب تایبەت رەنگین كەسك و سۆر وبەلگێن دارا وهەیڤ وستێر و رۆژ وخانیێن ژنجكی سێ گۆشە دیسان خەلكێ مە ئێ ئێزدی پتریا وان جۆتێن قوبا وچرا ونیشانێن ئێزدیان چێدكرن وهێدی هێدی پێشكەفتن دكەفتە دڤی كاری دا هاتن كرن وێنە لسەر جهۆركا چێدكرن جهۆرك جیێ تشتێن هور و گەلەك جۆرێن جهۆركا هەبوون تا ئێت جلكا وغەرازێن ناڤ مالێ جهۆرك دهاتنە نەقشكرن بجۆرێن نقشا دیسان بۆ لێنانگەهێ مەتبەخێ جۆرێن هلكرێ كەڤچكا وجۆرێن وان دهاتنە دروستكرن.
هەر دیسان ل وی سەردەمی بەردەوام دروارا دەستی هەبوو ژبۆ دروستكرنا جلكا ژ هریا پەزی و مویێ وان و بەردەوام كارێ تەشی و تەشی ریستنێ هەبوون تایبەت ژنێن دان عەمر بڤی كاری رادبوون،دیسان چێكرنا كندیر و رشێ وهەفسار و وەریسك و تەنك وقایش وقالكێن خەنجەرا وكالك و جۆرێن گۆپالا ودارێن تایبەت بۆ بەرەڤانیێ یا بەردەوام بوو،چاوا رشی چێدكرن دێ هاتبان بارەكی قەمیشی ئێ تەر ئینابا و ل ئەردەكی دانابا وهێدی هێدی ڤەهوناندبا وەكی كەزیەكێ دێ پێكڤە رستبا تا درێژدبوو پاشی دهاتبانە بكاردئینان وەكی كندیرێ بۆ هەر كارەكی پشتی باش هشك با لبەر رۆژێ هەردیسان دۆلك وصلیب بكاردئینان بۆ كێشانا ئاڤێ ژبیرا ژكارێن دەستی ئێت بەرێ دیسان جۆرێن تێركا وتیر تۆفكا بۆ كیشانا دەخل ودانی وحەسیر وزەبال وجۆرێن وان ژبۆ كار بەردەوامێ ژیانا وی سەردەمی،ژبەركو هەموو كار ب دەوارابوو ودڤیا لسەر پشتا وان هاتبانە هەلگرتن وگرێدان.
مێزەرك چێبوو وچاوا چێدكرن و بۆچی بكار دئینان ، وەكی ئەم هەموو دزانین جڤاكێ مە ئێزدیان جڤاكەكی گرتییە لسەر خۆ هەلبەت لسەر دەمێ باب وباپیران وەكی ئیرۆ نەبوو ژنێ جلكێت خۆ ئێت تایبەت هەبوون ژ گەلەك پارچا پێك دهاتن پارچا هەرە داویێ مێزەرك بوو ئانكو مێزەرك یا سەر جلكابوو رامانا هەلگرتنا وێ ئەو بوو بۆ ڤەشارتنا بەشێن لەشێ ژنێ بوو بەروڤاژی ئیرۆ ژن لەشێ خۆ دیاردكن،لێ ل وی سەردەمی ژنێ لەشێ خۆ ڤەدشارت، وهەتا ئیرۆ رۆژ گەلەك ژنێن مەزن و دانعەمر ماینە مێزەركێ دكەنە بەرخۆ مێزەرك دوو جۆرن یا سپی هەیە ژنێن دانعەمر بكاردئینان و یا سۆر ژی هەیە ژنێن جحێل دكرنە بەرخۆ چێكرنا وان كارەكی تایبەت بوو دهاتە جۆلاندن و مامۆستایێ ڤی كاری دگۆتنێ جۆلا یان جۆلو پتریا وان خەلكێن فەلە ئەفكارە دكرن،دیسان بكارێ دەستی دێ كچ وژن رابانە ئەڤ مێزەرك ب جۆرێن نەقشێن هەما رەنگ هندەك هێلێن جوان رەنگ لسەر چێكربان ئەوژی بۆ جوانی،كارێن دەستی لدەمێ بەرێ گەلەكن دیسان ژوانا چێكرنا دەقا لسەر دەست ولنگا وسەرو چاڤا وەك كارەكی هۆنەری نیگار كێش بوو لێ چاوا چێدكرن،دێ چۆبانە جۆرەكی روەكی ژ دەشتێ ئینابا دگۆتنێ دەقە شینك دێ قوتابا وب شیری ڤەسترابا وب دەرزیێ لسەر دەست ولەشێ كچ وكورێن خوون گەرم وعاشق چالاكی لسەر كێشابان مینا غەزالۆتك وزنجیر وبازن وهێلێن سەرنج راكێش لسەر چەن ودەم وچاڤا دهاتنە كێشان وخال لسەر روو وتڤن وئەنی وپشتا دەستان وپشتا لنگا وبازنە لسەر دهاتنە چێكرن.
هەروەسا ژكارێن دەستی جۆرێن كۆفكا وریشلۆتكا ئێت هەما جۆر دهاتنە چێكرن بۆ رەخ وتەنشت وپێشیا جۆرێن جهۆركا وهندەك جلكا و هەڤسارێن مەهینێن بۆز وهندەك بەران وگایێن بقیمەت وبەها گران،دیسان كارێن مۆری وبەنك وزنجیران ئەوێن بەرێ دهاتنە چێكرن هەر ژوان مۆری وزنجیرێن لسەر لاندكا تا بۆ مەزنا جوان و خۆشك و رەنگا ورەنگ چێدكرن ب شێوەكی هۆنەری.
تُتاح هذه الصورة أيضا في: کوردی
