نڤیسینگەها لالش بنكندی ئێش وپێتڤیێن خەلكێ گەهاندنە ناوچەداریا ئەلقووش
تۆرا لالش یا راگەهاندنێ 
دەستەیا نڤیسینگەها لالش بنكندی،سەرەدانا دام ودەزگەهێن حزبی ومیری ل ناوچەداریا ئەلقووش وگوندێن دەڤەرێ كر.
ل رۆژا ئێك شەمبوویێ 21/1/2018، دەستەیا نڤیسینگەها لالش بنكندی،سەرەدانا دام ودەزگەهێن حزبی ومیری ل ناوچەداریا ئەلقووش وگوندێن دەڤەرێ كر،كو ل دەستپێكێ سەرەدانا رێكخراوێن سرێچكا و رەسەن یێن پارتی دیموكراتی كورستان كر ل گوندێن سرێچكا و دۆغاتا كرن،پاش سەرەدانا لژنا ناوچا خەتارێ ولژنا ناوچا ئەلقووش یێن پارتی بۆ پیرۆزباهیكرنێ ل بەرێز”شەهاب ئەحمەد” ب هەلكەفتا وەرگرتنا پۆستێ نوو وەك بەرپرسێ لژنا خەتارێ وبەرێز “شیخ ڤیان” ب هەلكەفتا وەرگرتنا پۆستێ نوو یێ لژنا ناوچا ئەلقووش،ژبۆ موكومكرنا پەیوەندیێن جڤاكی پارتیاتی،دهەڤدیتنێ دا دانوستاندن لسەر رەوشا ئێمناهیێ ل كورستانێ وعێراقێ ب گشتی كرن.
هەر ل هەمان رۆژ دەستەیا نڤیسینگەها لالش بنكندی،سەرەدانا رێڤەبەریا ناوچەداریا ئەلقووش وفەرمانگەها ئاڤا ئەلقووش ورێڤەبەریا پەروەردا تلكێف كر،بۆ گەهاندنا ئێش وپێتڤیێن خەلكی و سەكنین لسەر ئاستەنگێن دجڤاكی دا و دیتنا هندەك چارەسەریا بۆ ئاریشە وخزمەتكاریێن پێتڤی بۆ خەلكێ گوندێن دەڤەرێ.
تُتاح هذه الصورة أيضا في: کوردی
