رۆژنامەیەكا بریتانی:خەلیفێ داعشێ هاتیە كوشتن
باسنیۆز:
رۆژنامەیەكا بریتانی رادگەهینت، ئەبو بەكر بەغدادی، خەلیفێ رێكخراوا داعش،ژ ئەنجامێ بوردۆمانا فرۆكەیێن شەری یێن هەڤپەیمانیا نێڤ دەولەتی دژ ب داعش، ل ناڤ ئاخا سووریا دا هاتیە كوشتن.
ل دووڤ نووچەیەكێ رۆژنامەیا “Mirror”یا بریتانی،كو پشت بەستیە ب راگەهاندنەكا داعش:” ئەبو بەكر بەغدادی ل هێرشەكا فرۆكەیێن شەری یێن هەڤپەیمانیا نێڤ دەولەتی ،كو ئەمریكا فەرماندە دكت، ل باژێرێ رەقە یێ سووریا ل رۆژا پێنجێ یا هەیڤا رەمەزانێ دا،هاتیە كوشتن”.
ئاماژە ب وێ چەندێ دایە ژی،كو هەڤدەم ژێدەرەكێ دی،كوشتنا بەغدادی پشت راستكریە،بەلێ گۆتیە ل سنوورێ باژێرێ مووسلێ هاتیە كوشتن.
ل راگەهاندنەكا هێزێن ئەمنیێن عێراقێ دا ژی،ئەفسەرەكی راگەهاندبوو:” بەغدادی ل وەختەكی دا ب مەرەما بەستنا كۆمبوونەكێ ب ژمارەیەكا فەرماندەیێن سەر ب رێكخراوێ بەرەف سنوورێن پارێزگەها ئەنبار چۆبوو، كاروانێ ترومبێلێن وی ژلایێ فرۆكەیێن شەری یێن عێراقێ ڤە كرنە ئارمانج”.
ل ماوەیێ بۆری دا چەندین جارا میدیایێن جیهانێ دەنگۆیێ كوشتن و برینداربوونا،ئەبوبەكربەغدادی بەلاڤ كربوون،بەلێ یان رەتكرینە،یان نكارینە پشت راست بكن.
تُتاح هذه الصورة أيضا في: کوردی
