سه‌رۆك بارزانی: پێكڤه‌ژیان و لێبۆرین ئه‌گه‌رێن پێشكه‌فتنا كوردستانێ نه
WAAR-دهۆك:
سه‌رۆك مه‌سعوود بارزانی په‌یامه‌ك ب هه‌لكه‌فتا رۆژا جیهانی یا لێبۆرینێ به‌لاڤ كر و راگه‌هاند؛ پێكڤه‌ژیان و لێبۆرین ئه‌گه‌رێن سه‌ركه‌فتن و پێشكه‌فتنا كوردستانێ نه و هه‌موو بزاڤێن ژناڤبرنا وان بهایان شكه‌ستن ئینا.
د په‌یاما خوه دا سه‌رۆك بارزانی دیار كرییه، لێبۆرین و هه‌ڤقه‌بوول كرن و په‌سه‌ندكرنا جوداهییان، ژ پیڤه‌رێن نیاسینا گه‌ل و وه‌لاتێن پێشكه‌فتی یه و پره‌نسیپێن سه‌ره‌كیێن دیموكراسیه‌تێ ژی نه، ل هه‌رێما كوردستانی ژی، پێكڤه‌ژیان و لێبۆرین بووینه ئه‌گه‌رێن سه‌ركه‌فتن و پێشكه‌فتنێ و گه‌له‌ك بزاڤ بۆ ژناڤبرنا وان بهایان هاتنه كرن، لێ شكه‌ستن ئینا.
دا یه زانین ژی: هه‌موو ئۆل و بهایێن بلند یێن مرۆڤاتیێ دوپاتی ل لێبۆرین و پێكڤه‌ژیانێ كرییه و هه‌رێما كوردستانێ ژی، نموونه‌یه‌كا كێم وێنه یا پێكڤه‌ژیان و لێبۆرینێ یه ل ده‌ڤه‌رێ و پێدڤییه د چارچووڤێ سازییێن په‌روه‌رده و فه‌رهه‌نگێ دا، گرنگییا زێده‌تر پێ بهێته دان.
تُتاح هذه الصورة أيضا في: کوردی
