نێچیرڤان بارزانی: به‌یاننامه‌یا حكومه‌تا ئیراقێ ل دۆر كۆمبوونا مه دگه‌ل عه‌بادی دووره ژ راستیێ
WAAR-دهۆك:
نێچیرڤان بارزانی سه‌رۆكوه‌زیرێن هه‌رێما كوردستانێ به‌رسڤا به‌یاننامه‌یا حكومه‌تا ئیراقێ دا و دیاركر، ناڤه‌رۆكا وێ به‌یاننامه‌یێ ل دۆر كۆمبوونا شاندا هه‌رێمێ دگه‌ل حه‌یده‌ر عه‌بادی، دووره ژ راستیێ.
نێچیرڤان بارزانی سه‌رۆكوه‌زیرێن هه‌رێما كوردستانێ د داخویانییه‌كا رۆژنامه‌ڤانی دا راگه‌هاند، كۆربه‌ندا داڤۆس پێنگاڤه‌كا باشه و شاندا هه‌رێمێ ژی زنجیره‌یه‌كا باش یا كۆمبوونان كریه.
لدۆر كۆمبوونا شاندا هه‌رێمێ دگه‌ل عه‌بادی ژی، نێچیرڤان بارزانی دیاركر، د كۆمبوونێن جودا یێن دگه‌ل عه‌بادی و تێله‌رسۆنی وه‌زیرێ ده‌رڤه یێ ئه‌مریكا به‌حسا لژنه‌یێن پێكهاتی ژ ئالیێ هه‌رێمێ و به‌غدا هاتیه كرن، زێده‌باری مووچه‌یێن فه‌رمانبه‌ران و ڤه‌كرنا فرۆكخانه‌یێن هه‌رێمێ، هاتیه كرن و هه‌لوه‌ستێ هه‌رێمێ دیاره كو حه‌زا چاره‌كرنا كێشه‌یان ل گۆره‌یی ده‌ستوورێ ئیراقێ هه‌یه.
سه‌باره‌ت به‌یاننامه‌یا حكومه‌تا ئیراقێ یاكو شڤێدی لدۆر كۆمبوونا نێچیرڤان بارزانی و عه‌بادی به‌لاڤكری، سه‌رۆكوه‌زیرێن هه‌رێما كوردستانێ گۆت، كۆمبوونا دگه‌ل عه‌بادی یا ئه‌رێنی و گرنگ بوو و ناڤه‌رۆكا به‌یاننامه‌یا ژی دووره ژ راستیێ.
حكومه‌تا ئیراقێ شڤێدی به‌یاننامه‌یه‌ك لدۆر كۆمبوونا عه‌بادی و نێچیرڤان بارزانی به‌لاڤكر و تێدا دیاركربوو كو هه‌رێما كوردستانێ رازیبوونه ب سنۆرێن ده‌ستنیشانكریێن د ده‌ستوورێ ئیراقێ دا ئاماژه پێ كری، زێده‌باری كو رازیبوونه هه‌می په‌ترۆلا خوه راده‌ستی حكومه‌تا به‌غدا بكه‌ت.
تُتاح هذه الصورة أيضا في: کوردی
