سەرۆكێ CIA رۆنكرنەیەكێ ل دۆر داعشێ بەلاڤ دكت 
باسنیۆز
جۆن برینان سەرۆكێ دەزگەهێ هەوالگریا ئەمریكی ناسیار ب سی ئای ئەی راگەهاند،هەتا نۆكە رێكخراوا تیرۆریستی یا داعش پاراستنێ ژ هێزا خۆ یا نێڤ دەولەتی دكت و ل رێیا پارتیزانییەوە ژ دەرڤەیی سووریا و عێراقێ بەردەوامیێ ددەت ب هێرشێن خۆ.
برینان ل رونشتنەكا تایبەت ب چالاكیێن هەوالگریێن سی ئای ئەی ل ناڤ ئەنجوومەنێ هەوالگریا ئەمریكا دا ئاخفتنەكا تایبەت ب داعشێ پێشكێشكر.
ناڤبری ئاماژە ب وێ چەندێ دا كو ئەمریكا ل رێیا هێرشێن ئەسمانی بەرپرسێن بلندێن داعشێ كرینە ئارمانج و راگەهاند سەرەرای هندێ هێشتا ئەو رێكخراوا تیرۆریستی هەتا ئاستەكی پاراستن ل هێزا خۆ كریە.
برینان ئاماژەكر كو داعش ل بەرامبەر ئەو ئاخا ژدەست دایی ل عێراق و سووریا ل رێیا بكارئینانا سیستەمێ گەریلایی ڤە هێزا خۆ ل ژ دەرڤە زێدەكریە و هێرشێن خۆ ئەنجام ددەت و ئاشكەرا كر كو بۆ وێ مەرەمێ داعش مەشقێ ب ئەندامێن خۆ دكت.
تُتاح هذه الصورة أيضا في: کوردی
