جاما کەنداڤی یا داهاتی دێ ل عێراق برێڤە چیت
ئەڤرۆ نیوز:
ئێکەتیا جاما کەنداڤێ عەرەبی بڕیار دا قارەمانیا داهاتی یا جاما کەنداڤی ل عێراقێ برێڤە بچیت، ب دەنگێ سەرجەم ئەندامێن ڤێ ئێکەتیێ، بڕیار هاتەدان باژێرێ بەسڕە مێهڤاندایا ڤێ قارەمانیێ بکەت کو دبیتە جاما کەنداڤی یا 25.
د نوکە دا گەرا 24 یا ڤێ قارەمانیێ ل قەتەر برێڤە دچیت ب پشکداریا وەلاتێن مێهڤاندار، کوێت، عێراق، سعودیە و بەحرێن، عومان، یەمەن و ئیمارات.
بۆ جارا دویێ یە عێراق مێهڤانداری کرنا ڤێ جامێ بگریتە ستوویێ خوە، ل سالا 1979 کو ب دەستڤە ئینایە.
عیراقێ سێ جاران ئەڤ جامە بلند کریە، ل سالێن 1979, 1984 و 1988 دا، ڤێ قارەمانیێ ل سالا 1970 دەست پێکریە و ب تنێ وەلاتێن کەنداڤی عەرەبی تێدا پشکدارن و دو سالان جارەکێ برێڤە دچیت، هەلبژارتیێ کوێتێ 10 جاران ئەڤ جامە بلند کریە.
تُتاح هذه الصورة أيضا في: کوردی
