10 خوارنێن زیان به‌خش دڤێت نه ده‌یه زارۆى هه‌تا ئێك سالى
نوش نيوز:
1. شیرێ گامێش و چێلێ: زارۆیێ دبن ژیێ ئێك سالى نه‌شێت ب شێوه‌كێ ساناهى ئه‌و پروتینێن تێدا هه‌رس بكه‌ت، وه‌كى شیرێ دایكێ و شیرێ قودیكا یێ تایبه‌ت بۆ زاروكا. دیسان ئه‌و ئاسن و فیتامینێن دى یێن ب مفا بۆ زاروى تێدا نینن. به‌لكو رێژه‌كا زۆرا كانزایا تێدایه كو دبیته ئه‌گه‌رێ زیان گه‌هاندن ب گولچیسكان.
2. هنگڤین: دبیت خوارنا هنگڤینى ببیته ئه‌گه‌رێ ژه‌هراوى بوونێ ل ده‌ڤ زارۆكێ دبن ئێك سالى دا، ژبه‌ر هه‌بوونا به‌كتریایه‌كێ تێدا. ژ نیشانێن په‌یدا دبن بێهێزى، لاوازى دزه‌بله‌كادا، قه‌بزى و زه‌حمه‌تى دقوتدانێ دا.
3. فێقى و زه‌رزه‌واتێ ترش: گه‌له‌ك جاران دبیته ئه‌گه‌رێ هه‌ستیاریێ (حساسیێ) ب شێوێ لیران یان پرسكان ل پاشیا زارۆى یان ل ده‌وروبه‌رێن ده‌ڤى و لێڤان. زۆربه‌یا جارا شه‌ربه‌تا ترشا پرته‌قالێ، نیموكێ، ترى و هرمیكێ دبیته ئه‌گه‌رێ دل رابوونێ یان سكچوونێ.
4. هێك: ئه‌ڤه ل ده‌ڤ پتریا زارۆكا بویه ئه‌گه‌رێ حساسیێ، هنده‌ك ژ وان نیشانان ده‌ركه‌تنا لیران، چاڤ خوریان، دفن هاتنه خوار.
5. شریناهى: نابیت زارۆك خوارنێن گه‌له‌ك ب شه‌كر ب خۆت، چونكه دبنه ئه‌گه‌رێ كێم بوونا حه‌زا خوارنێ، ژ خوارنێن وه‌كى بسكیت و كێك كو رێژه‌كا زۆرا شه‌كرێ تێدایه. دیسان گه‌له‌ك جارا مه‌ترسیا خنكاندنێ یا هه‌ى ب خوارنا (به‌نیشت، جێلى، شه‌كروك و مه‌شمالو).
6. ڤه‌خوارنێن كافاین تێدا: وه‌ك چا، قه‌هوه، كولا ژبه‌ركو ئه‌ڤ ڤه‌خوارنه پێك ناهێن ژ فیتامین و كالورى و كانزایێن باش و بمفا، و رێژا كافاینێ تێدا زۆره، دبنه ئه‌گه‌رێ ژ ناڤ چوونا ددانا و تێك دانا حه‌زا خوارنێ.
7. هنده‌ك خوارنێن ده‌ریاى: هنده‌ك خوارنێن ده‌ریاى هه‌نه خوارنا وان دبینه ئه‌گه‌رێ حساسیێ ل ده‌ڤ زارۆكا.
8. خوێ و شه‌كر: ده‌مێ ئاماده‌كرنا خوارنا زارۆكى خوێ نه‌كێ و ئه‌گه‌ر بكه‌یێ ژى ب رێژه‌كا گه‌له‌كا كێم بكێ. دیسان هه‌ولبده ماجى و شوربێن ئاماده ژى بكارنه‌ئینه چونكى رێژه‌كا زۆرا خوێ یا تێدا، كو كارتێكرنێ ل گولچیسكێن زارۆى دكه‌ن.
9. چه‌ره‌زات (گویز و باهیڤ): ل ده‌ڤ زوربه‌یا زارۆكان دبنه ئه‌گه‌رێ په‌یدابونا حساسیێ.
10. خوارنا ئاماده: سوپ ، پاستا و هه‌مى خوارنێن دى یێن ئاماده و دقودیكان دا سودیوم تێدا یێ زێده‌یه ، كو دبیت یا ب زه‌حمه‌ت و گران بیت بو زارۆكى.
تُتاح هذه الصورة أيضا في: کوردی
