ژن بەردان ل جەم كوردێن ئەوروپا بەر ب زێدەبوونێ یە
تۆرا لالش یا راگەه
ندنێ/سالار فائز
خێزان تشتەكێ پیرۆزە ل ناڤ هەموو نەتەوە و ئایینان و ل هەموو جیهانێ،لێ دیاردا ژنبەردانێ فاكتەرێ ژناڤچۆنا خێزانێ یە،رەنگە پرۆسا بەردانێ ب رێكەفتنا هەردوو ئالییان بت یا نب رازیبونا ئێك ئالی بت و ئەڤە دشارستانیەتا پترین وەلاتێن جیهانێ دا هەیە،زێدەباری كو ژن بەردان دسیستەمێ كەنیسا كاسۆلیك دا نینە،لێ رۆژ بۆ رۆژێ ل ئەوروپا ئەڤ دیاردە پتر لێ دئێت.
رۆژنامەڤان چنار شەمۆ قاسم دیاركر كو، ژیانا هەڤژینیێ ئەركەك پیرۆزە ، لێ دژیەكێ گونجایی دا بت،چنكو دژیانا هەڤژینیێ دا ئەرك و پوتەدانێن زێدەتر دكەڤن سەر ملێن ژن و زەلامی، لەوما جاران تووشی ئاریشان دبن و گۆت:ئەگەرەكی ژنبەردانێ هەڤژینی دسنێلەیێ دایە،ژبەركو ئاریشێن ڤان جۆرە كەسان پترن ژ ئاریشێن گەنجان و نكارن بەرپرسیارەتیا وان ئەرك و ئاریشا بكەن،لەورا پێتڤیە ژیێ وان كور و كچێن هەڤژینیێ پێك دئینن یێ پێگەهشتی بت،چنكو سنێلە ب دروستی دژیانا هەڤژینیێ ناگەهن.
سفیان دلكانی،رۆژنامەڤانە دیاركر كو،گەلەك كەس ل رۆژهەلاتا ناڤین تایبەت كچ ب رەنگەكی شاش د ئازادیێ دگەهن،لەورا دەمێ دئێنە ئەوروپا گەلەك جاران سنوورێن ئازادیا خۆ دبەزین و دهەمان دەم دا زەلامێ رۆژهەلاتا ناڤین نەیێ ئامادەیە وەك زەلامێ ئەوروپی بێ دەنگ بت ل سەر رفتارێن هەڤژینا خۆ، لەورا ئاریشە چێدبن و گەلەك جاران دگەهتە رادێ بەردانێ و گۆت:ئەڤجا ب دیتنا من باشترە زەلام ئازادیەكا سنووردار بدەتە ژنا خۆ و یا گرنگتر ژن سنوورێن ئازادیا خۆ بزانت.
عەلی عیسۆ میدیاكار و سەرۆكێ سەنتەرێ فێركرنا مافێ مرۆڤی ل ئەلمانیا دبێژت، ژن بەردانێ گەلەك ئەگەر هەنە،لێ ژئێك جودانە ژ جڤاكەكێ بۆ ئێكی دی،ژبەركو ل ئەلمانیا زۆرترە ژ كوردستانێ ژ ئەگەرێ تێنەگەهشتنا ئازادیێ یان دەمێ كچێ ب زۆری ددەنە كوری،لێ ژنبەردان نابتە چارەسەری بۆ نەهێلانا ئاریشان،ژبەركو هەكە زارۆك هەبن ،ئەز دبینم چارەسەری برێیا ڤەكرنا خۆلێن فێركرنێ و تێگەهشتنێ ل دۆر ئەرك و ماف و ئازادیا دناڤبەرا بەرا ژنێ و زەلامی و ئەم ل سەنتەرێ خۆ ڤان جۆرە خۆلان ڤەدكەین.
میدیاكار دلڤین رەشید دبێژت:ژنبەردان دناڤبەرا ژن و زەلامان دا هینگێ روو ددەت دەمێ ژیانا وان ب زەحمەت دكەفت و دگەل ئێك نەگونجن،تەلاق جاران دبتە رێیەك بۆ چارەسەركرنا ئاریشان،بەلێ شوونەوارێن نەرێنی هەینە،چارەسەری ئەوە باوەری و ڤیانا وان بۆ ئێك یا بهێز بت و تێگەهشتن دناڤبەرا وان دا هەبت دێ هەموو ئاریشێن خۆ چارەسەركەن بێ كو هزرا تەلاقێ بكەن.
مەروان بابیری شارەزایێ ئاینێ ئێزیان خویاكر كو، ژیان هەر ژ سەردەمێ هەوا و ئادەمی یا بەردەوامە و مرۆڤ بەردەوامی و مرۆڤی بەردەوامی دایە نڤشێ مرۆڤایەتیێ برێیا گرێبەستا پیرۆزا هەڤژینیێ،بەلێ بەردان بوویە مەترسی ل سەر ڤێ پرۆسێ ئەگەرێن وێ پتر بۆ ژیانا ئەوروپا دزڤرن،چنكو ژ وەلاتەكی گرتی بۆ ئێكی ڤەكری چووینە و ژن دئازادیا خۆ ناگەهت،دیسان كور ژی گەلەك تشتا دبینت كو ل وەلاتێ وی نەبووینە و گۆت: ب راستی پتر كارتێكرنا خۆ ل سەر ئافرەتا كورد هەیە،چنكو زەلامی پتر دەلیڤا هەڤینیێ هەیە و چارەسەری ئەوە ژن و زەلام بەرێ خۆ بدەنە ژیانا ئەوروپا ب رەنگەكێ ئەرێنی و تێگەهشتن و بەرپرسیارەتی هەبت ژئالیێ هەردوویانڤە.
تُتاح هذه الصورة أيضا في: کوردی
