دڤێت نڤیسەر ل تشتێ نوو بگەرت
تۆرا لالش یا راگەهاندنێ
نڤیسەرێ گەنج(كاهین كانی) ل سالا(2014)ێ دەست ب نڤیسینا كورتە چیرۆكان كریە و ئێكەم بەرهەم بناڤێ(پەرتۆكا نەهێنیا مەزن) بەرهەمئینایە،ئاماژێ ب وێ چەندێ ددەت كو دڤێت نڤیسەر یێ بەردەوام بت و و هەردەم ل تشتێ نوو بگەرت.
كانی بۆ رۆژناما دەنگێ لالش خویاكر،دناڤا رەفاتكێن پەرتۆكخانا كوردی دا دڤان سالێن داویێ دا پەرتۆك ژ هەموو جۆر و بابەتان دئێنە دیتن، كو بەرهەمێن نڤیسەر و وەرگێرەیێ كوردە و هەر ئێكی ل پێ شیانێن خۆ و ئەو بوارێ تێدا شارەزا پەرتۆك بەرهەم ئیناینە،هەروەسا ل داویا سالا(2007)ێ دەست ب نڤیسینا بابەتێن ئەدەبی كریە وەك هەلبەست و ل پێرا حەزا نڤیسینا كورتە چیرۆكان پەیدابوو كو ل سالا(2014)ێ دەست ب نڤیسینا كورتە چیرۆكا كریە و (پەرتۆكا نەهێنیا مەزن) ئێكەم بەرهەمێ من بوویە كو ژ(11) چیرۆكێن جودا جودا پێك دئێت و دبنە(50) لاپەر و(500) دانە ژێ هاتینە چێكرن كو ژ سەدەمێ نەهێنیێن مرۆڤێن پچسكن هاتیە نڤیسین،چنكو ئەو هەی گاڤا مرۆڤی پێ كۆل كرییە پەنییێ بۆ نەهێنیەكا مەزن هێزەكا مەزن هێزەكا ڤەشارتی داكو سەبارەت چارەنڤیسێ خۆ تشتەك هەبتن.
كانی رۆنكر ژی ڤی بەرهەمی بتر پێكۆل كرییە هزرەكا دی و یا نوو ب شێوەكی نوو دەست ب نڤیسینا یان ڤەگەهاندنا هندەك چیرۆكێن دی بكەین،ژبەركو نڤیسەر نە ئەوە بتنێ ل وستگەهەكا ژیانێ ب سەكنت و باباتەكی بنڤیست و ب سەكنت،بەلكو دڤێت بەردەوام بت و هەردەم ل تشتێ نوو بگەرت چنكو نڤیسەرێ كورتە چیرۆكێ جودایە چ نڤیسەرێ دی.
تُتاح هذه الصورة أيضا في: کوردی
