هۆنەرمەندەكێ رۆژئاڤایێ كوردستانێ پەسنا رۆلێ بنگەهێ لالش ل ئەلمانیا دكت
تۆرا لالش یا راگەهاندنێ/به‌ختيار قادر
هۆنەرمەندەكێ رۆژئاڤایێ كوردستانێ،پەسنا رۆلێ بنگەهێ لالش ل ئەلمانیا دكت ب بنگەهەكێ رەوشەنبیری یێ چالاك و ب پلا ئێك ل قەلەم ددەت.
“سلێمان هوفك” هۆنەرمەندەكێ رۆژئاڤایێ كوردستانێ كو نها ل وەلاتێ ئەلمانیا ئاكنجیە بۆ(تۆرا لالش یا راگەهاندنێ) دیاركر:”كار و چالاكیێن بنگەهێ لالش ل ئەلمانیا و پێشوازیكرنا وان ل كەسایەتیێن هۆنەری و سیاسی جهێ دەست خۆشیێ نە،بنگەهەكێ رەوشەنبیری یە و ب پلا ئێك دهژمێرم”.
هوفك گۆتژی نۆكە وی دەست ب تۆماركرنا دوو سترانان ل سەر پێشمەرگەیێ قارەمان و ئێزدیان كریە،كو ل هەرێما كوردستانێ دێ ئێنە وێنەكرن،سترانا پێشمەرگەی ژ پەیڤ و ئاوازێن منن و ل سەر وان قارەمانیانە یێن ئەنجام داین ل سەر تیرۆرستان و پێشمەرگە پەیڤەكە پیرۆزە،هەروەسا ستران ل سەر ئێزدیان ل سەر كریارێن هۆڤانە یێن تیرۆرستێن داعشێ یە یێن ل دژی ئێزدیان ئەنجام داین.
هۆنەرمەند” سلێمان هوفك ” خەلكێ دەڤەرا تربسبیی یە ل رۆژئاڤایێ كوردستانێ،ل خووندنا خۆدا ئامیرێ بزقێ ژەنیە و ستران ل ئاهەنگان و هەلكەفتێن نەتەوەیی وەك جەژنا نەورۆزێ گۆتینە،پاشی چوویە باژێرێ دیمەشقێ بۆ خووندنا زانكۆیێ و ل وێدەرێ دەرچوویە و باوەرناما ئەندازیاری ب دەست خۆ ڤە ئینایە،ل خووندنا خۆدا بوویە ئەندامێ تیپا ئازادی یا فلكلۆری و كاسێتەك ل وێدەرێ تۆماركریە،ل سالا 1992كاسێتەك ل سەر سەرهلدانێ وشۆرەشا كوردی تۆماركریە و ل سالا 1994ژبەر زوولما رژێما دكتاتۆری قەستا ئەوروپا كریە،هەروەسا ل سەر 2000كاسێتەكا دی تۆماركریە.
تُتاح هذه الصورة أيضا في: کوردی
