کۆمپانیا فەیسبوک چەند رێکارێن نوو بەرامبەری بکارهێنەرێن خوە دگریتە بەر
ئێن ئارتى
کۆمپانیا فەیسبوک راگەهاند، ل دژی هەر بابەتەکێ ” هەتکرنا نامیسی و تۆلەڤەکرنێ” راوەدستیت و رێکێ ب بلاڤکرنا وان نادەت کو ژئالیێ هند بکارهێنەران ڤە دهێنە بەلاڤکرن، ب هەمان رەنگی ژی ل ماسنجەر و ئینستگرام.
د بەیاننامەیەکێ دا مالپەرێ فەیسبوک بەلاڤکر، دەمێ کو دهێتە ئاگەهداکرن ل بەلاڤکرنا وێنەیەکێ ” گەرموگور” لسەر لاپەرێن مالپەری بێ مۆلەتا کەسێ دیاری کری د ناڤا وێنەی دا، پشتی پشتراستبوون دێ هێتە لابرن ، ئەو ژى ب رێیا بکارئانینا تەکنیکەکێ کو ژنها پێدا نکارە وێنە بهێنە کۆپی کرن و جارەکا بهێتە بەلاڤکرن.
ئانتیگۆن دافیس سەرۆکێ بەشێ سەلامەتیێ ل کۆمپانیا فەیسبوکێ راگەهاند، دەمێ دهێنە ئاگەهدارکرن ل هەبوونا وێنە و بابەتێ ” هەتکرنا نامیسی و تۆلەڤەکرن” دکارە جارەکا دی بەلاڤکرنا وی بابەتی ل فەیسبوکێ و ماسنجەر و ئینستاگرام بهێتە راگرتن.
دافیس ئاماژە ب وێ ئێکێ ژى کر کو ژنها پێدا فەیسبوک وان هەژماران دادخیت کو وێنەیێن “گەرموگۆر” بەلاڤدکەن بێ مۆلەتا خودانێن وی، ئەڤە ژی بەشەکە ژ وان هەولان کو دهێنە کرن ژبۆ ئاڤاکرنا جڤاکەکا ئارام د ناڤا تۆرا جڤاکیا فەیسبوکێ دا و دەرڤە.
ئەڤ بریارا نوو یا کۆمپانیا فەیسبوکێ پشتی وێ ئێکێ دهێتن کو ل مەها رابهوری، نوچەیێ بەلاڤکرنا چەند وێنەیێ کرێت و نەهەژی و دژی جڤاکێ دناڤبەرا چەند سەربازێن ئافرەت د لەشکەرێ ئەمریکا دا ل فەیسبوکێ هاتبوونە بەلاڤکرن و چەند گوتن و کۆمێنتێن کرێت لسەر هاتبوون نڤیساندن کو پرانیا وان سێکسی بوون .
ز.ح
تُتاح هذه الصورة أيضا في: کوردی
