سالڤەگەرا ئازادکرنا شنگالێ لسەر دەستێ پێشمەرگەى
باسنيوز:
قایمقامێ قەزا شنگال دیار كر كو وەكو ئەڤرۆ 13/11 سالا 2015ێ پێشمەرگەهێ كوردستانێ ب سەرپەرشتیا راستەوخۆ جەنابی سەرۆك بارزانی شنگال ژبن دەستی تیرۆرستیێن داعش رزگار كر”.
مەحما خەلیل، قایمقامێ قەزا شنگال بۆ (باسنیوز) دیار كر كو شنگال ب دوو قۆناغا هاتە رزگاركرن ژبن دەستی تیرۆرستێن داعش ل قوناغا ئێكیدا ناحیا سنوونێ دگەل چیایی شنگال هاتنە رزگاركرن د قۆناغا دوویێ‌دا وەكو ئەڤرۆ 13/11/2015 شنگال ژبن دەستی تێرۆرستێن داعش ب سەرپەرشتیا جەنابی سەرۆك بارزانی هاتە ئازادكرن و پێشمەرگەهێ كوردستانێ چوونە دناڤ شنگالێدا و ئالایێ پیرۆزێ كوردستانێ ل شنگال هاتە بلندكرن و دڤێ رۆژا میژوویێدا هیڤیەكا مەزن بۆ خەلكێ شنگال دروست بوو دەست ب زڤرینا سەر مال و حالی خوە بكەن لێ 16ێ ئوكتوبەری نەهێلا شنگال بهێتە ئاڤەدانكرن و خەلك ڤەگەرن و نها ژی شنگال بەرەڤ پاشەرۆژەكا نە دیارڤەیە”.
خۆیا ژی كر: “خەلكێ شنگال ب هیڤیی بوون شنگال بهێتە ئاڤەدانكرن و خەلك ڤەگەرن و دەست ب قەرەبووكرنا زەرمەندان بهێتە كرن و دادگەه رۆلێ خوە بگیرێت بۆ سزادانا وان كەسێن دەست تاوانا شنگالێدا هەی یێن بووینە هەڤكار و پشتەڤانیێن تیرۆرستێن داعش هەموو بهێنە سزادان لێ ئەڤە هەموو بۆ شنگال نەهاتیە كرن هێشتا گۆرێن ب گۆم نە هاتینە ڤەكرن و خەلكێ شنگال هێشتا نەزڤرینە سەر مالێن خوە و شنگال ژی نەهاتیە ئاڤەدانكرن”.
تُتاح هذه الصورة أيضا في: کوردی
