بريكارێ میرێ ئێزدیان: ئەم زۆر دلگرانن ژ روودانێن لسەر شنگال دئێنە ئەنجام دان
باسنيوز:
برێكارێ میرێ ئێزدیان بۆ كارۆبارێن گەنجان دیار كر كو هەر هێرشەكا بۆ سەر شنگال بهێنە ئەنجامدان ئەم دلگرانتر دبن ئەم زۆر دلگرانن ژ روودانێن کو ل سەر شنگال دهێنە ئەنجامدان.
میر هەرمان مێرزا بەگ، برێكارێ میرێ ئێزدیان بۆ كارۆبارێن گەنجان بۆ (باسنیوز) دیار كر كو ئێزدی دخوازن رەوشا ئێزدیان ل بەر چاڤ بهێتە وەرگرتن راستی مە گەلەك پێ خۆشە شنگال بۆ خەلكێ شنگال بمینت و لایەنێن دەركێ ژ ناڤ شنگال دەربچن و دناڤ خەلكێ مەدا نەبن پێدڤیە ڤێ چەندی بەرچاڤ وەربگرن، چونكو هەر روودانەكا ل شنگال روو بدەت كارتیكرنێ ل سەر هەموو ئێزدیان دكەت مە نەڤیت زێدەتر بارگرانیی بۆ ئێزدیان دروست بیت چونكو بارێ وخەمێن خەلكێ شنگال گەلەكن ئەم داخازی دكەین هەموو لایەن هەڤكاربن بۆ چارەسەركرنا رەوشا شنگال”.
خۆیا ژی كر: “خەلكی سڤیل دبیتە قوربانیی ئەو بخوە خەلكی مە یێ بریندارە تووشی مەزنترین جینوساید بوویە خەلكێ مە ل ئارامیی و تەناهیی دگەریت مخابن هندەك گروپ و لایەن ناهێلن تەناهیی ل شنگال دروست ببیت بەردەوام گرژی وئالوزی دناڤ خەلكێ مە دا دروست دكەن راستی ئەم ژڤان رەفتارێن نە رەوا و نە قانوونی زۆر دلگران بووینە”.
تُتاح هذه الصورة أيضا في: کوردی
