گەنجێن ئاوارە ل كەمپان بێكارن
تۆرا لالش یا راگەهاندنێ
ئاوارێن شنگالێ ل ناڤ كەمپان دا ئاماژێ ب وێ چەندێ ددەن كو رێژا بێكاریێ دناڤ گەنجان دا بلندبوویە و بتریا گەنجان بێكارن،داخوازێ ژ رێكخراوان دكن بتر دەلیڤێن كاری دابین بكن.
(زەید بەشار)گەنجەكی ئاوارەیێ شنگالێ یە ل كەمپا شاریا بۆ رۆژناما دەنگێ لالش دیاركر،بێكاری ئێك ژ دیارترین گرفتێن ئابووری و جڤاكی و كەسان و حكومەتێ دئێتە هژمارتن،ئەڤە نێزیكی پێنج سالایە ئەم دناڤ كەمپان دا دژین و بێكارین و پەیداكرنا كاری ب زەحمەت كەفتیە،لەوا داخوازێ ژ رێكخراوان دكەین بتر دەلیڤێن كاری بۆ گەنجان دابین بكن داكو بێكار نەمینن.
هەر ل هەمان كەمپە(حەواس سمیر)گەنجەكی ئاوارەیێ شنگالێ یە بۆ رۆژناما دەنگێ لالش گۆت:بێكاری دیاردەكا نەخۆشە دناڤ كەمپان دا و دنهۆ دا رێژەیا بێكاریێ دناڤ گەنجان دا گەلەك یا بلندبووی و رێژەیەكا زۆر یا گەنجان ل ناڤ كەمپان دا دبێكارن و داخوازا دەرفەتێن كاری دكن،ژبەر بێكاریێ گەلەك كێشێن جڤاكی پەیدا دبن و گەنج بتریا دەمێ خۆ ل كافتریا و چایخانە و جیێن بێ مفا دبۆرینن،ئەگەر دەرفەتێن كاری بۆ وان بێنە دابینكرن دێ هاریكاریا خێزانێن خۆ كن.
تُتاح هذه الصورة أيضا في: کوردی
