جڤاتا نه‌ینه‌وا: جڤاتا نه‌شه‌رعى یا شنگال دێ ئێته هه‌لوه‌شاندن
باسنيوز:
سه‌رۆكێ كۆتلا برایه‌تى و پێكڤه ژیانێ ل جڤاتا پارێزگه‌ها نه‌ینه‌وا راگه‌هاند، جڤاتا پارێزگه‌ها مووسل و به‌غدا ژى هه‌تا نها دانپێدان ب جڤاتا نوو یا شنگال نه‌كرینه و نه‌شێن دانپێدانێ ژى پێ بكه‌ن، چونكو د شه‌رعى نینن و دێ هێته هه‌لوه‌شاندن.
به‌ره‌كات شه‌مۆ، سه‌رۆكێ كۆتلا برایه‌تى و پێكڤه ژیانێ ل جڤاتا پارێزگه‌ها نه‌ینه‌وا، بۆ (باسنیوز) ئاشكرا كر كو ئه‌و قائیممقام و جڤاتا نوو یا ل شنگال هاتیه دانان به‌ره‌ڤ هه‌لوه‌شاندنێ یه، چونكو ل گۆره‌ى قانوون و ده‌ستوورى، به‌غدا نه‌شیایه هه‌تا نوكه دانپێدانێ پێ بكه‌ن و جڤاتا پارێزگه‌ها نه‌ینه‌وا ژى خوه ژ رۆژا ئێكێ و هه‌تا نها دانپێدان پێ نه‌كریه و ب چو رێیان ژى ئه‌م سه‌ره‌ده‌ریێ ل گه‌ل ناكه‌ین.
شه‌مۆ ئه‌و یه‌ك ژى دیار كر كو نه پارێزگارێ نه‌ینه‌وا و نه ژى حكومه‌تا به‌غدا ل گۆره‌ى ده‌ستوورى نه‌شێت سه‌ره‌ده‌ریێ ل گه‌ل قائیمقام و جڤاتا نوو یا شنگال بكه‌ن، ژ به‌ر هندێ ژى نها جڤاتا نوو به‌ره‌ڤ هه‌لوه‌شاندنێ یه و نها ل دادگه‌هێ سكالا ژى ل سه‌ر وان هاتیه تۆماركرن.
ناڤبرى ته‌كه‌ست كر كو ئه‌ڤى پێنگاڤه‌كه بۆ هندێ ره‌وشا شنگال ئالۆزتر لێ بهێت و ئاواره نه‌ڤه‌گه‌رنه سه‌ر مال و مولكێن خوه و شنگال ژى ببیت جهێ شه‌ر و پێكدادانێ و دبیته ئه‌گه‌ر و ژیانا ئاواره‌یان ل بن خیڤه‌تا درێژتر لێ بهێت.
تُتاح هذه الصورة أيضا في: کوردی
