ژمارەكا پرۆژان ل كۆمەلگەها خانكێ هاتینە ئەنجام دان
تۆرا لالش یا راگەهاندنێ
سەرۆكاتیا باژێرڤانیا خانكێ ل سالا بۆری ژمارەكا پرۆژێن خزمەتگۆزاری یێن جۆرا و جۆر ل كۆمەلگەهێ ئەنجام داینە.
سەرۆكێ باژێرڤانیا خانكێ ئەندازیار(حەموود غەربی حەسەن) بۆ رۆژناما دەنگێ لالش خویاكر،لسەر پێشنیا خۆ یا هەیڤانە بەردەوام گرنگیێ ددەینە كارێن شارستانی،ل سالا(2018)ێ چەندین پرۆژێن خزمەتگۆزاری وەك چێكرن و سەبكرن و قیركرنا جاددێن نافخۆیی و جۆكێن ئاڤێ و تێكەلكرنا جاددان و ئاڤرێژا كو كوژمێ (77,168,000) ملیۆن دینار لێ هاتیە مەزاختن زێدەباری دانانا هێمایێن هاتنوچۆنێ،ژ وان پرۆژێن مەزن یێن هاتینە ئەنجام دان چێكرن و جێبەجێكرن و تەمامكرنا جاددا سەرەكی یا خانكێ بوو ب دوو قۆناغا و ب درێژاهیا (2230) و فرەهیا (12) مەتران ب كوژمێ (895,664,000) ملیۆن دیناران.
حەموود غەربی رۆنكر ژی چەندین پرۆژێن بازرگانی ژی ب رەنگەكی ئەندازیاری ژبۆ پەیداكرنا دەلیڤێن كاری و یێن خێرخوازی هاتینە ئەنجام دان،هەروەسا ژ هەموو ئالیان ڤە هەولددەین خزمەتا خەلكێ خۆ بكەین.
تُتاح هذه الصورة أيضا في: کوردی
